കേരള ബോർഡ് പ്ലസ് ടു പരീക്ഷ 2023: നോട്ടിഫിക്കേഷൻ

കേരള ബോർഡ് പ്ലസ് ടു പരീക്ഷ നോട്ടിഫിക്കേഷൻ: 2023 കേരള ബോർഡ് പ്ലസ് ടു പരീക്ഷയുടെ നോട്ടിഫിക്കേഷൻ ഡയറക്റ്ററേറ്റ് ഓഫ് ഹയർ സെക്കൻഡറി എഡ്യൂക്കേഷൻ്റെ (DHSE) ഒഫീഷ്യൽ സൈറ്റിൽ ലഭ്യമാകും. പരീക്ഷയെ സംബന്ധിച്ച എല്ലാ വിവരങ്ങളും ഈ നോട്ടിഫിക്കേഷനിൽ ഉൾപെടുത്തിയിരിക്കും. പരീക്ഷയുടെ പാറ്റേൺ, യോഗ്യതാ മാനദണ്ഡങ്ങൾ, ആപ്ലിക്കേഷൻ സമർപ്പിക്കുമ്പോൾ ശ്രദ്ധിക്കേണ്ട കാര്യങ്ങൾ, മൂല്യനിർണയം, പുനർമൂല്യനിർണയം എന്നിവയെ സംബന്ധിക്കുന്ന വിവരങ്ങൾ, പ്രാക്ടിക്കൽ പരീക്ഷയെക്കുറിച്ചുള്ള വിവരങ്ങൾ, പ്രധാന തീയതികൾ, പാസിംഗ് മാർക്ക്, ഗ്രേഡിംഗ് മാനദണ്ഡങ്ങൾ എന്നിങ്ങനെ അനേകം വിവരങ്ങൾ നോട്ടിഫിക്കേഷനിൽ ഉണ്ടായിരിക്കും.

കേരള ബോർഡ് പ്ലസ് ടു എക്സാം പാറ്റേൺ 2023
(Kerala board plus two exam pattern 2023)

കൂടുതൽ ശ്രദ്ധ കേന്ദ്രീകരിക്കേണ്ട പാഠ്യഭാഗങ്ങളെക്കുറിച്ച് വ്യക്തമായ ധാരണ ലഭിക്കുന്നതിനും പരീക്ഷയിൽ ഉന്നതവിജയം കൈവരിക്കുന്നതിനും എക്സാം പാറ്റേൺ കൃത്യമായി മനസ്സിലാക്കേണ്ടതുണ്ട്. നിങ്ങളുടെ തയ്യാറെടുപ്പിന് വേഗത കൂട്ടുന്നതിനായി 2023 പ്ലസ് ടു പരീക്ഷാ പാറ്റേണിനെക്കുറിച്ചുള്ള എല്ലാ വിവരങ്ങളും മനസ്സിലാക്കൂ.

കേരള ബോർഡ് പ്ലസ് ടു എക്സാം പാറ്റേൺ 2023: ഡയറക്ടറേറ്റ് ഓഫ് ഹയർ സെക്കൻ്ററി എഡ്യൂക്കേഷൻ (DHSE) അതിൻ്റെ ഒഫീഷ്യൽ വെബ്സൈറ്റിലൂടെ അതാത് വർഷത്തെ എക്സാം പാറ്റേൺ കൃത്യമായി ലഭ്യമാക്കുന്നു. SCERT തയ്യാറാക്കുന്ന HSE സ്കീം ഓഫ് വർക്ക് എല്ലാ അധ്യായങ്ങളെക്കുറിച്ചും അവയ്ക്ക് പരീക്ഷയിലുള്ള വെയിറ്റേജിനെക്കുറിച്ചും ധാരണ നൽകുന്നു. സിലബസ്, കരിക്കുലം, അധ്യയന നിയമങ്ങൾ എന്നിവയെല്ലാം തയ്യാറാക്കുന്നത് DHSE ആണ്. കേരള ബോർഡ് പ്ലസ് ടു എക്സാം ടൈം ടേബിൾ തയ്യാറാക്കുന്നതും DHSE തന്നെയാണ്.

ഓരോ വിദ്യാർത്ഥിയുടേയും തുടർന്നുള്ള പഠനം എങ്ങനെയായിരിക്കണമെന്ന് തീരുമാനിക്കുന്നതിൽ പ്ലസ് ടുവിന് ലഭിക്കുന്ന മാർക്കിന് പ്രധാന പങ്കുണ്ട്. തുടർപഠനത്തിനായുള്ള കോളേജ് അഡ്മിഷൻ ഈ മാർക്കിൻ്റെ അടിസ്ഥാനത്തിലാണ് ലഭ്യമാകുക. NEET, JEE പോലുള്ള നാഷണൽ ലെവൽ പരീക്ഷകൾക്കും പ്ലസ് ടു പാഠ്യഭാഗങ്ങളാണ് അടിസ്ഥാനം. അതുകൊണ്ടുതന്നെ പ്ലസ് ടു പരീക്ഷയ്ക്ക് നേരത്തെകൂട്ടി തന്നെ കൃത്യമായ തയ്യാറെടുപ്പുകൾ നടത്തേണ്ടതുണ്ട്. പരീക്ഷയെക്കുറിച്ചും അതിനെ സമീപിക്കേണ്ട രീതിയെക്കുറിച്ചും വ്യക്തമായി മനസ്സിലാക്കുക എന്നത് ഉന്നത വിജയത്തിലേക്കുള്ള ആദ്യപടിയാണ്.

ഓരോ വിഷയത്തിൻ്റെ പരീക്ഷയ്ക്കും 3 ഘടകങ്ങളുണ്ട്.

•  ടെർമിനൽ എക്‌സാമിനേഷൻ (TE)
•  കണ്ടിന്വസ്  എക്‌സാമിനേഷൻ (CE)
•  പ്രാക്ടിക്കൽ എക്‌സാമിനേഷൻ (PE)

കേരള ബോർഡ് പ്ലസ് ടു പരീക്ഷ – യോഗ്യതാ മാനദണ്ഡങ്ങൾ (eligibility criteria)

കേരള ബോർഡ് പ്ലസ് ടു പരീക്ഷ എഴുതാൻ യോഗ്യത നേടുന്നതിനായി വിദ്യാർത്ഥികൾ ചില മാനദണ്ഡങ്ങൾ പാലിക്കേണ്ടതുണ്ട്.

• വിദ്യാർത്ഥികൾ എല്ലാ വിഷയങ്ങളുടേയും തുടർ മൂല്യ നിർണയം 

(continuous evaluation) പൂർത്തിയാക്കിയിരിക്കണം. 

• അസൈൻമെൻ്റുകൾ, പ്രൊജക്ടുകൾ എന്നിവ കൃത്യ സമയത്ത് സബ്മിറ്റ് ചെയ്തിരിക്കണം. 

• പ്ലസ് വൺ പരീക്ഷയിൽ എല്ലാ വിഷയങ്ങളിലും കുറഞ്ഞത് D+ ഗ്രേഡ് എങ്കിലും കരസ്ഥമാക്കിയിരിക്കണം.  

• റെഗുലർ വിദ്യാർത്ഥികൾക്ക്  DHSE പരീക്ഷ എഴുതുന്നതിനായി അധികൃതർ നിർദ്ദേശിച്ചിരിക്കുന്ന അറ്റൻ്റൻസ് ശതമാനം ഉണ്ടായിരിക്കണം.

കേരള ബോർഡ് പ്ലസ് ടു പരീക്ഷ – ആപ്ലിക്കേഷൻ ഫോം 

(Application form)

 പ്ലസ് ടു പരീക്ഷ എഴുതുന്നതിനായി  വിദ്യാർത്ഥികൾ ഒരു അപ്ലിക്കേഷൻ ഫോം പൂരിപ്പിക്കേണ്ടതുണ്ട്. ഈ ആപ്ലിക്കേഷൻ സമർപ്പിച്ചാൽ മാത്രമേ പരീക്ഷയ്ക്കായി വിദ്യാർത്ഥി രജിസ്റ്റർ ചെയ്യപ്പെടുകയുള്ളൂ. കേരള ബോർഡ് ഓരോ വർഷവും പ്ലസ് ടു പരീക്ഷക്കുള്ള അപ്ലിക്കേഷൻ നൽകുന്നതിനുള്ള നോട്ടിഫിക്കേഷൻ പുറത്തുവിടുന്നു. ഈ ആപ്ലിക്കേഷൻ സ്‌കൂൾ അധികൃതരുടെ മേൽനോട്ടത്തിൽ തെറ്റുകൂടാതെ പൂരിപ്പിച്ച് സമർപ്പിക്കേണ്ടതാണ്. ഫൈൻ ഒഴിവാക്കുന്നതിനായി സമയപരിധിക്കുള്ളിൽ തന്നെ ഫോം സമർപ്പിക്കണം. DHSEയുടെ ഒഫീഷ്യൽ വെബ്‌സൈറ്റിൽ വിദ്യാർത്ഥികൾക്കും സ്‌കൂൾ അധികൃതർക്കും ഈ നോട്ടിഫിക്കേഷൻ കാണാനാകും. DHSE നൽകിയിരിക്കുന്ന നിർദേശങ്ങൾ കൃത്യമായി പാലിച്ചുകൊണ്ട് മാത്രം ആപ്ലിക്കേഷൻ ഫോം പൂരിപ്പിക്കുക. 

പരീക്ഷയ്ക്കായി രജിസ്റ്റർ ചെയ്യേണ്ട രീതി

ഓരോ വിദ്യാർത്ഥിയും പരീക്ഷയ്ക്കായി രജിസ്റ്റർ ചെയ്യേണ്ടതുണ്ട്. പരീക്ഷ രജിസ്റ്റർ ചെയ്യേണ്ട രീതികൾ മനസ്സിലാക്കാം. ചുവടെ കൊടുത്തിരിക്കുന്ന സ്റ്റെപ്പുകൾ പിന്തുടർന്ന് ആപ്ലിക്കേഷൻ ഫോം പൂരിപ്പിക്കുക. 

• കേരള ബോർഡിൻ്റെ ഒഫീഷ്യൽ വെബ്‌സൈറ്റായ http://dhsekerala.gov.in/ എന്ന വെബ്സൈറ്റ് സന്ദർശിക്കുക. 

• ഹോം പേജിൽ കേരള ബോർഡ് പ്ലസ് ടു പരീക്ഷ ഫോം 2023 നായുള്ള ലിങ്കിൽ ക്ലിക്ക് ചെയ്യുക. ഇവിടെനിന്നും നിങ്ങൾ മറ്റൊരു പേജിലേക്കെത്തുന്നു.

• ഇവിടെ നിങ്ങളുടെ വിവരങ്ങൾ നൽകി ലോഗിൻ ചെയ്തശേഷം ആവശ്യമായ എല്ലാ വിവരങ്ങളും നൽകുക.

• എല്ലാ വിവരങ്ങളും കൃത്യമായി നൽകിയശേഷം സബ്മിറ്റ് ബട്ടൺ ക്ലിക്ക് ചെയ്യുക. 

• ശേഷം ആപ്ലിക്കേഷൻ ഫീ അടക്കുക. 

• രജിസ്ട്രേഷൻ പ്രോസസ്സ് വിജയകരമായി പൂർത്തിയാകുമ്പോൾ നിങ്ങൾക്ക് ഒരു കൺഫർമേഷൻ പേജ് ലഭിക്കും. ശേഷം ഫോമിൻ്റെ പ്രിൻ്റൗട്ട് സ്‌കൂൾ അധികൃതർക്ക് നൽകുക.

കേരളാ പ്ലസ് ടു ആപ്ലിക്കേഷൻ ഫോം ഗൈഡ് ലൈനുകൾ 

http://dhsekerala.gov.in/ എന്ന വെബ്സൈറ്റിൽ നിന്നും ആപ്ലികേഷൻ ഫോം ലഭിക്കും. പ്ലസ് വൺ പരീക്ഷയ്ക്കായി അപ്ലൈ ചെയ്ത അതേ കോമ്പിനേഷൻ തന്നെ പ്ലസ് ടുവിലും നൽകേണ്ടതുണ്ട്. മറ്റു കോമ്പിനേഷനുകളിൽ പരീക്ഷയെഴുതാൻ സാധിക്കില്ല. ഓപ്പൺ സ്‌കൂൾ വിദ്യാർത്ഥികളും സ്‌കൂൾ ഗോയിങ് വിദ്യാർത്ഥികളും ആപ്ലിക്കേഷൻ ഫോം സമർപ്പിക്കുന്ന സമയത്ത് ശ്രദ്ധിക്കേണ്ട ചില പ്രധാന കാര്യങ്ങൾ ചുവടെകൊടുക്കുന്നു.

• രണ്ടാം വർഷം( പ്ലസ് ടു) വിഷയങ്ങളുടെ കോമ്പിനേഷനിൽ മാറ്റം വരുത്താൻ സാധിക്കില്ല 
• പരീക്ഷാ സെൻ്റർ മാറ്റാൻ സാധിക്കില്ല 
• അവസാന തീയതിക്ക് ശേഷം സമർപ്പിക്കപ്പെട്ട അപ്ലിക്കേഷനുകൾ റിജെക്ട് ചെയ്യപ്പെടും 
• ഡയറക്ടറേറ്റിലേക്ക് ആപ്ലിക്കേഷൻ ഫോം നേരിട്ട് അയക്കാൻ സാധിക്കില്ല. ഇതിനായി ഓൺലൈൻ പ്രോസസ്സ് തന്നെ ചെയ്യണം 

• ആപ്ലിക്കേഷൻ  ഫോമിൽ നൽകിയിരിക്കുന്ന സ്പേസിൽ ഒരു പാസ്സ്‌പോർട്ട് സൈസ് ഫോട്ടോഗ്രാഫ് പതിപ്പിക്കുക. 
• ഈ ഫോട്ടോഗ്രാഫ് സ്‌കൂൾ പ്രിൻസിപ്പൽ അറ്റസ്റ്റ് ചെയ്യേണ്ടതുണ്ട്. 
• അവസാന തീയതിക്ക് മുൻപ് തന്നെ ആപ്ലിക്കേഷൻ ഫീ സ്‌കൂൾ അധികൃതർക്ക് കൈമാറുക. 
• ഒരിക്കൽ അടച്ച ഫീസ് യാതൊരു കാരണവശാലും റീഫണ്ട് ചെയ്യപ്പെടുന്നതല്ല. 

റെഗുലർ വിദ്യാർത്ഥികൾക്കുള്ള നിർദേശങ്ങൾ 

റെഗുലർ വിദ്യാർത്ഥികളുടെ രജിസ്ട്രേഷൻ അവസാന തീയതിക്ക് മുൻപ് ഫീസ് അടച്ച് സ്‌കൂൾ അധികൃതർക്ക് തന്നെ ചെയ്യാവുന്നതാണ്. 

കണ്ടിന്വസ് ഇവാലുവേഷന് വിധേയമായിട്ടില്ലാത്ത വിദ്യാർത്ഥികൾ അല്ലെങ്കിൽ മിനിമം അറ്റൻ്റൻസ് ഇല്ലാത്ത വിദ്യാർത്ഥികൾ അല്ലെങ്കിൽ അറ്റൻ്റൻസ് ഷോർട്ടേജ് അംഗീകരിച്ചുകൊണ്ടുള്ള ഓർഡർ നല്കിയിട്ടില്ലാത്ത വിദ്യാർത്ഥികൾ എന്നിവർക്ക് പരീക്ഷ എഴുതാൻ സാധിക്കില്ല. 

കേരള ബോർഡ് പ്ലസ് ടു ആപ്ലികേഷൻ ഫോം – നൽകേണ്ട വിവരങ്ങൾ 

ആപ്ലികേഷൻ ഫോം സമർപ്പിക്കുന്നതിന് മുൻപ് വിദ്യാർത്ഥികൾ അത് വ്യക്തമായി പരിശോധിക്കുക. തെറ്റായ വിവരങ്ങൾ നല്കിയതോ, പൂർണമായ വിവരങ്ങൾ നൽകാത്തതോ അല്ലെങ്കിൽ അവസാന തീയതിക്ക് മുൻപ് സബ്‌മിറ്റ് ചെയ്യാത്തതോ ആയ അപ്ലിക്കേഷനുകൾ തിരസ്കരിക്കപ്പെടും 

അതിനാൽ താഴെപ്പറയുന്ന വിവരങ്ങൾ തെറ്റുകൂടാതെ നൽകണം 

1. സെൻ്ററിൻ്റെ പേര് 
2. സെൻ്ററിൻ്റെ കോഡ് 
3. വിദ്യാർത്ഥി പരീക്ഷയെഴുതുന്ന ഗ്രൂപ്പ് 

                  (സയൻസ്, ഹ്യുമാനിറ്റീസ്, കോമേഴ്‌സ്, ടെക്നിക്കൽ, ആർട്സ്)

4. പഠന രീതി 

      (സ്‌കൂൾ ഗോയിങ്, ഓപ്പൺ സ്‌കൂൾ, കമ്പാർട്ട്മെൻ്റൽ,ഓൾഡ് സ്‌കീം) 

5. ഓപ്പൺ സ്‌കൂൾ രജിസ്ട്രേഷൻ നമ്പർ (ഓപ്പൺ സ്‌കൂൾ അപേക്ഷകർക്ക് മാത്രം)
6. അഡ്മിഷൻ എടുത്ത വർഷം 
7. അവസാനമായി എഴുതിയ HSE പരീക്ഷയുടെ വിവരങ്ങൾ (സപ്ലിമെൻ്ററി പരീക്ഷാർത്ഥിക്ക് മാത്രം ( രജിസ്ട്രേഷൻ നമ്പർ, വർഷം, മാസം))
8. SSLC പാസ്സായ വർഷവും മാസവും രജിസ്ട്രേഷൻ നമ്പറും  
9. പരീക്ഷാർത്ഥിയുടെ പേര് (SSLCയിൽ ഉള്ളതിന് സമാനമായി വലിയ അക്ഷരത്തിൽ, ഇംഗ്ലീഷിലും മലയാളത്തിലും എഴുതേണ്ടതാണ്)
10. ലിംഗം(ആൺ/ പെൺ)
11. മതം 
12. ജാതി 
13. കാറ്റഗറി (SC, ST, OBC, OEC, മറ്റുള്ളവ)
14. ജനന തീയതി(വാക്കുകളായും സംഖ്യകളായും)
15. പരീക്ഷയെഴുതുന്ന വിഷയം 

            പാർട്ട് I

             പാർട്ട് II

             പാർട്ട് III ഓപ്‌ഷണൽ I

             പാർട്ട് III ഓപ്‌ഷണൽ II

             പാർട്ട് III ഓപ്‌ഷണൽ III

             പാർട്ട് III ഓപ്‌ഷണൽ IV

16. പരീക്ഷാർത്ഥിയുടെ പാസ്പോർട്ട് സൈസിലുള്ള ഫോട്ടോഗ്രാഫ് 
17. മുൻപ് പരീക്ഷയെഴുതിയതിൻ്റെ വിവരങ്ങൾ 
18. പരീക്ഷാ ഫീസ് അടച്ച ദിവസം 

ഓപ്പൺ സ്‌കൂൾ വിദ്യാർത്ഥികൾ ഓപ്പൺ സ്‌കൂൾ രജിസ്‌ട്രേഷൻ മെമോ ആപ്ലികേഷൻ ഫോമിനൊപ്പം സമർപ്പിക്കേണ്ടതാണ് 

കേരള ബോർഡ് പ്ലസ് ടു സേ പരീക്ഷയുടെ ആപ്ലികേഷൻ ഫോം 

മെയിൻ പരീക്ഷ ആദ്യത്തെ ശ്രമത്തിൽ തന്നെ ക്ലിയർ ചെയ്യാൻ കഴിയാത്ത വിദ്യാർത്ഥികൾക്കായി കേരള ബോർഡ് SAY എന്നറിയപ്പെടുന്ന ഒരു സപ്ലിമെൻ്ററി പരീക്ഷ കൂടി നടത്തിവരുന്നു. ഈ പരീക്ഷയ്ക്ക് അപേക്ഷിക്കുന്നതിനായുള്ള ആപ്ലിക്കേഷൻ ഫോം ബോർഡിൻ്റെ ഒഫീഷ്യൽ വെബ്സൈറ്റിൽ നിന്ന് ലഭ്യമാകും. SAY പരീക്ഷ ജൂലൈ മാസത്തിലായിരിക്കും നടക്കുക. ആപ്ലിക്കേഷൻ ഫോം ജൂണിൽ പ്രതീക്ഷിക്കാം.

പ്ലസ് ടു പരീക്ഷ 2023 – ഒരു അവലോകനം

കേരള ബോർഡ് പ്ലസ് ടു പരീക്ഷാ സമയക്രമം

പ്രാക്ടിക്കൽ ഇല്ലാത്ത വിഷയങ്ങൾ – 9.45 am മുതൽ 12.30 pm വരെ

പ്രാക്ടിക്കൽ ഉള്ള വിഷയങ്ങൾ ( ബയോളജി, മ്യൂസിക് എന്നിവയൊഴികെ)

• 9.45 am മുതൽ 12.00 pm വരെ

കേരള ബോർഡ് പ്ലസ് ടു പരീക്ഷ 2023ൻ്റെ പരീക്ഷാ തീയതികൾ (Tentative)

കേരള ബോർഡ് പ്ലസ് ടു ഹാൾ ടിക്കറ്റ് 2023 എങ്ങനെ ഡൗൺലോഡ് ചെയ്യാം 

കേരള ബോർഡ് പ്ലസ് ടു ഹാൾ ടിക്കറ്റ് 2023 ഡൌൺലോഡ് ചെയ്യേണ്ടതെങ്ങനെയെന്ന് ചുവടെ കൊടുത്തിരിക്കുന്നു. സ്‌കൂൾ അധികൃതർക്ക് ഈ കാര്യങ്ങൾ പിന്തുടർന്നുകൊണ്ട് വിദ്യാർത്ഥികളുടെ ഹാൾ ടിക്കറ്റുകൾ ഡൌൺലോഡ് ചെയ്യാം.

പ്ലസ് ടു ഹാൾ ടിക്കറ്റ് ലഭ്യമാകുന്നതിനായി www.dhsekerala.gov.in എന്ന വെബ്‌സൈറ്റ് സന്ദർശിക്കുക. 

ന്യൂസ് സെക്ഷനിൽ കേരള ബോർഡ് പ്ലസ് ടു ഹാൾ ടിക്കറ്റ് 2023 എന്ന ലിങ്കിൽ ക്ലിക്ക് ചെയ്യുക. 

ആവശ്യപ്പെടുന്ന വിവരങ്ങൾ നൽകുക ഉദാ:- സ്‌കൂൾ ലോഗിൻ id, പാസ്സ്‌വേർഡ് എന്നിവ 

ഇത്രയും വിവരങ്ങൾ നൽകിയശേഷം സബ്‌മിറ്റ് ബട്ടൺ ക്ലിക്ക് ചെയ്യുമ്പോൾ സ്‌കൂളിൻ്റെ ഡാഷ്ബോർഡ് വിൻഡോ ദൃശ്യമാകും. 

ഇതിൽ ‘Generate Kerala DHSE Plus Two Hall Ticket 2023 PDF’ ലിങ്കിൽ ക്ലിക്ക് ചെയ്യുക. 

ഇതോടെ DHSE പ്ലസ് ടു ഹാൾ ടിക്കറ്റ് സ്‌ക്രീനിൽ ദൃശ്യമാകും. ഹാർഡ് കോപ്പി ലഭിക്കുന്നതിനായി ഇത് ഡൗൺലോഡ് ചെയ്ത് പ്രിൻ്റൗട്ട് എടുക്കുക. 

വിദ്യാർത്ഥികൾക്ക് അഡ്മിറ്റ് കാർഡ് എങ്ങനെ ലഭിക്കും? 

അതാത് സ്‌കൂളുകളിൽ നിന്ന് സ്‌കൂൾ അധികൃതർ മുഖേനയാണ് വിദ്യാർത്ഥികൾക്ക് അഡ്മിറ്റ് കാർഡ് ലഭിക്കുന്നത്. പ്ലസ് ടു ഹാൾ ടിക്കറ്റ് സ്വീകരിച്ച ശേഷം സ്‌കൂളിലെ ഹാൾ ടിക്കറ്റ് രജിസ്റ്ററിൽ വിദ്യാർത്ഥി ഒപ്പുവയ്‌ക്കേണ്ടതുണ്ട്.

ഹാൾ ടിക്കെറ്റിലെ വിവരങ്ങൾ 

താഴെപ്പറയുന്ന വിവരങ്ങൾ ഹാൾ ടിക്കെറ്റിൽ നല്കിയിട്ടുണ്ടോയെന്ന് വിദ്യാർത്ഥി പരിശോധിക്കുക. എന്തെങ്കിലും തരത്തിലുള്ള പിശകുകൾ കണ്ടെത്തുകയാണെങ്കിൽ ഉടൻതന്നെ സ്‌കൂൾ അധികൃതരുമായി ബന്ധപ്പെടുക 

• വിദ്യാർത്ഥിയുടെ പേര് 

• സ്‌കൂളിൻ്റെ പേര്

• റോൾ നമ്പർ 

• ബോർഡിൻ്റെ പേര് 

• വിഷയങ്ങളുടെ പേരുകൾ

• എക്സാം തീയതി 

• എക്സാം സമയം 

• ശ്രദ്ധിക്കേണ്ട പ്രധാന കാര്യങ്ങൾ 

കേരള ബോർഡ് പ്ലസ് ടു പാസിംഗ് മാർക്കുകൾ 

കേരള ബോർഡ് പ്ലസ് ടു ക്ലിയർ ചെയ്യുന്നതിനായി വിദ്യാർത്ഥികൾ കേരള ബോർഡ് നിർദേശിക്കുന്ന പാസിംഗ് മാർക്കുകൾ കരസ്ഥമാകേണ്ടതുണ്ട്. ഈ മാർക്ക് കരസ്ഥമാക്കാൻ സാധിക്കാത്തവർ കേരള ബോർഡിൻ്റെ കമ്പാർട്ട്മെൻ്റൽ പരീക്ഷയെഴുതി മാർക്ക് കരസ്ഥമാക്കേണ്ടതാണ്.  കേരള ബോർഡ് പ്ലസ് ടു പരീക്ഷയിൽ വിവിധ വിഷയങ്ങൾക്ക് വേണ്ട പാസിംഗ് മാർക്കുകൾ ചുവടെ ചേർക്കുന്നു.

എല്ലാ വിദ്യാർത്ഥികളും കേരള ബോർഡ് പ്ലസ് ടു പരീക്ഷ ക്ലിയർ ചെയ്യുന്നതിനായി 30 ശതമാനം മാർക്കോ D ഗ്രേഡോ കരസ്ഥമാക്കേണ്ടതുണ്ട് 

കേരള ബോർഡ് പ്ലസ് ടു എക്സാം – ടൈം ടേബിൾ

സമയപരിധി 

ഓരോ വിഷയത്തിനും അനുസൃതമായി 2 മണിക്കൂർ മുതൽ 2.30 മണിക്കൂർ വരെയാണ് സമയ ദൈർഘ്യം.

 കേരള ബോർഡ് പ്ലസ് ടു – ഗ്രേഡിംഗ് സിസ്റ്റം 

ഉന്നത വിജയത്തിനായി തയ്യാറെടുക്കാം 

ഏതൊരു പരീക്ഷയിലും ഉന്നത വിജയം നേടുന്നതിന് കഠിനാധ്വാനവും അർപ്പണബോധവും ആവശ്യമാണ്. പ്ലസ് ടു പരീക്ഷയെ നേരിടുന്നതിനായി നേരത്തേ തന്നെ തയ്യാറെടുപ്പുകൾ ആരംഭിക്കേണ്ടതുണ്ട്. 

നിങ്ങളുടെ സ്‌കോർ പരമാവധി വർദ്ധിപ്പിക്കുന്നതിനായുള്ള ഒരു സ്റ്റഡി പ്ലാൻ ഇതാ.

പരീക്ഷയ്ക്ക് തൊട്ടുമുൻപ് മാത്രം പഠിക്കുന്ന ശീലം നല്ലതല്ല. കൃത്യമായി കൺസപ്റ്റുകൾ മനസ്സിലാക്കി ദിവസവും പഠിക്കേണ്ടതുണ്ട്.

പഠനമാരംഭിക്കുന്നതിനുമുൻപ് സിലബസ് കൃത്യമായി മനസ്സിലാക്കണം.ടെക്സ്റ്റ്ബുക്കിൽ നൽകിയിരിക്കുന്ന ഭാഗങ്ങൾക്ക് കൂടുതൽ പ്രാധാന്യം നൽകേണ്ടതുണ്ട്.

നിങ്ങൾക്ക് ഏറ്റവും ബുദ്ധിമുട്ടുള്ള വിഷയങ്ങൾ അല്ലെങ്കിൽ പാഠഭാഗങ്ങൾ ഏതെല്ലാമാണെന്ന് മനസ്സിലാകുക, അവയ്ക്ക് കൂടുതൽ പ്രാധാന്യം നൽകുക. ബുദ്ധിമുട്ടുള്ള പാഠഭാഗങ്ങൾ അവസാനം പഠിക്കാനായി മാറ്റിവയ്ക്കരുത്.

പരീക്ഷാരീതിയെക്കുറിച്ച് കൂടുതൽ മനസ്സിലാക്കാനായി മുൻവർഷങ്ങളിലെ ചോദ്യപേപ്പറുകൾ പരിശോധിക്കുക.

കേരള ബോർഡ് പ്ലസ് ടു റിസൾട്ട് 2023 

ഡയറക്റ്ററേറ്റ് ഓഫ് ഹയർ സെക്കൻഡറി എഡ്യൂക്കേഷൻ (DHSE) ആണ് കേരള ബോർഡിൻ്റെ ഹയർ സെക്കൻഡറി പരീക്ഷ നടത്തുന്നതും റിസൾട്ടുകൾ പുറത്തുവിടുന്നതും. 2023 പ്ലസ് ടു പരീക്ഷാ ഫലം ജൂൺ മാസത്തിൽ പ്രതീക്ഷിക്കാം. ഡേറ്റ് ഓഫ് ബെർത്ത്, റോൾ നമ്പർ എന്നിവ നൽകി ഒഫീഷ്യൽ സൈറ്റിൽ നിന്നും വിദ്യാർത്ഥികൾക്ക് ഫലം പരിശോധിക്കാം. പരീക്ഷ ഫലം keralaresults.nic.in എന്ന വെബ്‌സൈറ്റിൽ ലഭ്യമാകും. ഇതുകൂടാതെ 

• results.kite.kerala.gov.in
• keralapareekshabhavan.in
• results.kerala.nic.in
• prd.kerala.gov.in

എന്നീ വെബ്‌സൈറ്റുകളിലും ഫലം ലഭ്യമാകും 

പരീക്ഷാ ഫലം എങ്ങനെ പരിശോധിക്കാം?

ഡേറ്റ് ഓഫ് ബെർത്ത്, റോൾ നമ്പർ എന്നിവ നൽകി ഒഫീഷ്യൽ സൈറ്റിൽ നിന്നും വിദ്യാർത്ഥികൾക്ക് ഫലം പരിശോധിക്കാം. ഇതിനായി ഇനിപ്പറയുന്ന സ്റ്റെപ്പുകൾ പിന്തുടരുക. 

• DHSE കേരളയുടെ ഒഫീഷ്യൽ വെബ്‌സൈറ്റിൽ (dhsekerala.gov.in) പ്രവേശിക്കുക. 
• ഹോം പേജിൽ HSE Results എന്ന സെഗ്മെൻ്റ് തിരഞ്ഞെടുക്കുക. 
• തുടർന്ന് ലഭിക്കുന്ന സൈറ്റിൽ DHSE Results – 2022ൽ ക്ലിക്ക് ചെയ്യുക. 
• വിദ്യാർത്ഥിയുടെ റോൾ നമ്പർ നൽകുക. 
• വിദ്യാർത്ഥിയുടെ ഡേറ്റ് ഓഫ് ബെർത്ത് നൽകുക. 
• ശേഷം സബ്മിറ്റ് ബട്ടണിൽ ക്ലിക്ക് ചെയ്യുക. 
• ഇപ്പോൾ  DHSE Kerala Plus Two results 2022 സ്‌ക്രീനിൽ തെളിയും. ഇത് ഡൌൺലോഡ് ചെയ്ത് സൂക്ഷിക്കുക.

SMSലൂടെയും ഫലം പരിശോധിക്കാം 

ഒരേ സമയം അനേകം പേർ ഫലം പരിശോധിക്കുന്നതിനായി വെബ്‌സൈറ്റിൽ പ്രവേശിക്കുന്നതിനാൽ ചില സാങ്കേതിക തകരാറുകൾ ഉണ്ടാവാൻ സാധ്യതയുണ്ട്. ഈ അവസരത്തിൽ വിദ്യാത്ഥികൾക്ക് SMS വഴി ലഭ്യമാക്കാം. 56263 എന്ന നമ്പറിൽ മെസ്സേജ് അയച്ച് ഫലം കണ്ടെത്താം. അതിനായി 56263 എന്ന നമ്പറിൽ “KERALA12<REGISTRATION NUMBER>” എന്ന ഫോർമാറ്റിൽ മെസ്സേജ് അയക്കുക. റിസൾട്ടുകൾ ഉടൻതന്നെ SMS ആയി ലഭിക്കും. എന്നാൽ SMS ആയി ലഭിക്കുന്ന റിസൾട്ട് ഡൌൺലോഡ് ചെയ്യാൻ സാധിക്കില്ല. 

പ്ലസ് ടു കഴിഞ്ഞാലെന്ത്?

അനേകം വിദ്യാർത്ഥികളെ അലട്ടുന്ന ഒരു ചോദ്യമാണിത്? എന്നാൽ ഭയപ്പെടേണ്ടതില്ല. പ്ലസ് ടു വിനുശേഷം നിങ്ങൾക്ക് അനേകം അവസരങ്ങൾ ലഭ്യമാണ്. അവ ഏതൊക്കെയാണെന്ന് വ്യക്തമായി മനസ്സിലാകുകയും ഓരോ വിദ്യാർത്ഥിയുടേയും താല്പര്യത്തിനനുസരിച്ചുള്ള കോഴ്‌സുകൾ തിരഞ്ഞെടുക്കുകയും വേണം. പ്ലസ് ടുവിനുശേഷം വിവിധ UG പ്രോഗ്രാമുകൾക്കായി എഴുതാൻ കഴിയുന്ന പരീക്ഷകൾ ചുവടെ കൊടുക്കുന്നു.

പ്ലസ് ടുവിന് ശേഷം ഏത് സ്ട്രീം തിരഞ്ഞെടുക്കണം?

പ്ലസ് ടു വിനുശേഷം വിദ്യാർത്ഥിക്ക് താല്പര്യമുള്ള മേഖലകളിൽ കോഴ്‌സുകൾ തിരഞ്ഞെടുക്കാം.വിദ്യാർത്ഥിയുടെ മെരിറ്റിനെയും വിവിധ മത്സര പരീക്ഷകളിൽ കരസ്ഥമാക്കിയ മാർക്കിനേയും അടിസ്ഥാനമാക്കിയായിരിക്കും കോഴ്‌സുകൾ ലഭിക്കുക.  B.Tech, B.E., B.Sc., MBBS, BDS എന്നിവ സയൻസ് വിദ്യാർത്ഥികൾ സാധാരണയായി തിരഞ്ഞെടുക്കുന്ന കോഴ്‌സുകളാണ്.ആർട്സ്, കോമേഴ്‌സ് എന്നീ സ്ട്രീമുകൾ പഠിച്ച വിദ്യാർത്ഥികൾക്ക് തുടർന്ന് B.Com, BBA എന്നിങ്ങനെ അനേകം കോഴ്‌സുകൾ തിരഞ്ഞെടുക്കാം. ഇതുകൂടാതെ എല്ലാ സ്ട്രീമിലുള്ള വിദ്യാർത്ഥികൾക്കും പ്ലസ്‌ടുവിന്‌ ശേഷം വിവിധ UG പ്രോഗ്രാമുകളിൽ എൻറോൾ ചെയ്യാം.

PCB സ്ട്രീം (ഫിസിക്സ്, കെമിസ്ട്രി, ബയോളജി)

MBBS (ബാച്‌ലർ ഓഫ് മെഡിസിൻ ആൻഡ് ബാച്ച്ലർ ഓഫ് സർജറി)

ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 50% മാർക്കോടെ പ്ലസ് ടു പാസായവർക്ക് NEET പ്രവേശന  പരീക്ഷയെഴുതി റാങ്ക് അടിസ്ഥാനത്തിൽ MBBS കോഴ്സിന് പ്രവേശനം നേടാം. ഇത് 5.5 വർഷം നീളുന്ന കോഴ്‌സാണ്. ജോലിയിൽ പ്രവേശിക്കുമ്പോൾ ആദ്യഘട്ടത്തിൽ പ്രതിമാസം 35,000 – 80,000 രൂപവരെ ശമ്പളം ലഭിക്കും. 

BDS (ബാച്‌ലർ ഓഫ് ഡെൻ്റൽ സർജറി)

ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 50% മാർക്കോടെ പ്ലസ് ടു പാസായവർക്ക് NEET പ്രവേശന  പരീക്ഷയെഴുതി റാങ്ക് അടിസ്ഥാനത്തിൽ BDS കോഴ്സിന് പ്രവേശനം നേടാം. ജോലിയിൽ പ്രവേശിക്കുമ്പോൾ ആദ്യഘട്ടത്തിൽ പ്രതിമാസം 15,000 – 30,000 രൂപവരെ ശമ്പളം ലഭിക്കും. 

B.Sc (ബാച്‌ലർ ഓഫ് സയൻസ്)

ഫിസിക്സ്, കെമിസ്ട്രി, ബയോളജി അല്ലെങ്കിൽ ഫിസിക്സ്, കെമിസ്ട്രി, മാത്തമാറ്റിക്സ് എന്നീ വിഷയങ്ങൾ പഠിച്ചവർക്ക് മെരിറ്റ് അടിസ്ഥാനത്തിൽ വിവിധ കോളേജുകളിൽ B.Scക്ക് പ്രവേശനം നേടാം. ബോട്ടണി, സുവോളജി, കെമിസ്ട്രി, ബയോകെമിസ്ട്രി തുടങ്ങിയ വിഷയങ്ങളിൽ മൂന്ന് വർഷം നീണ്ട കോഴ്‌സാണിത്. ചില കോളേജുകൾ പ്രത്യേക പ്രവേശന പരീക്ഷ നടത്താറുണ്ട്.ജോലിയിൽ പ്രവേശിക്കുമ്പോൾ ആദ്യഘട്ടത്തിൽ പ്രതിവർഷം രണ്ടര ലക്ഷം മുതൽ നാല് ലക്ഷം രൂപവരെ ശമ്പളം ലഭിക്കും. 

BHMS (ബാച്‌ലർ ഓഫ് ഹോമിയോപ്പതി മെഡിസിൻ ആൻഡ് സർജറി)

ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 50% മാർക്കോടെ പ്ലസ് ടു പാസായവർക്ക് NEET, TS EAMCET, AP EAMCET എന്നീ പ്രവേശന  പരീക്ഷകൾ  എഴുതി റാങ്ക് അടിസ്ഥാനത്തിൽ BHMS കോഴ്സിന് പ്രവേശനം നേടാം. ഇത് 5.5 വർഷം നീളുന്ന കോഴ്‌സാണ്. ജോലിയിൽ പ്രവേശിക്കുമ്പോൾ ആദ്യഘട്ടത്തിൽ പ്രതിമാസം 25,000 – 35,000  രൂപവരെ ശമ്പളം ലഭിക്കും. 

ബി. ഫാർമസി 

ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 50% മാർക്കോടെ പ്ലസ് ടു പാസായവർക്ക് നേരിട്ടുള്ള പ്രവേശനത്തിലൂടെയോ പ്രവേശന പരീക്ഷകളെഴുതിയോ 4 വർഷ ദൈർഘ്യമുള്ള ബി. ഫാർമസി കോഴ്സ് ചെയ്യാം.ജോലിയിൽ പ്രവേശിക്കുമ്പോൾ ആദ്യഘട്ടത്തിൽ പ്രതിമാസം 10,000 – 18,000 രൂപവരെ ശമ്പളം ലഭിക്കും. 

ബി പി റ്റി (ബാച്‌ലർ ഓഫ് ഫിസിയോതെറാപ്പി)

ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 50% മാർക്കോടെ പ്ലസ് ടു പാസായവർക്ക് കോഴ്സിനായുള്ള പ്രവേശന പരീക്ഷകളെഴുതാം.

കേരള ബോർഡ് പ്ലസ് ടു പരീക്ഷ 2023 നോട്ടിഫിക്കേഷൻ ലഭിക്കാനായി Embibe-ൽ സന്ദർശിക്കൂ. www.embibe.com എന്നതിലെ ഈ ലേഖനം നിങ്ങൾക്ക് സഹായകരമാണെന്ന് ഞങ്ങൾ പ്രതീക്ഷിക്കുന്നു. ഇത്തരം കൂടുതൽ പഠന സാമഗ്രികൾക്കായി Embibeൽ തുടരുക