കേരള പ്ലസ് ടു പരീക്ഷാ ഫലം 2023: ഇപ്പോൾ അറിയാം

ആമുഖം

പ്ലസ് ടു പരീക്ഷാഫലം 2023 പരിശോധിക്കാം: ഡയറക്റ്ററേറ്റ് ഓഫ് ഹയർ സെക്കൻഡറി എഡ്യൂക്കേഷൻ (DHSE) ആണ് കേരള ബോർഡ് ഹയർ സെക്കൻഡറി പരീക്ഷയും ഫലപ്രഖ്യാപനവും നടത്തുന്നത്. 2023 പ്ലസ് ടു പരീക്ഷാ ഫലം ജൂൺ മാസത്തിൽ പ്രതീക്ഷിക്കാം. ജനന തീയതി,രജിസ്റ്റർ നമ്പർ എന്നിവ നൽകി DHSEയുടെ ഔദ്യോഗിക വെബ്സൈറ്റിൽ നിന്നും വിദ്യാർത്ഥികൾക്ക് ഫലം പരിശോധിക്കാം. keralaresults.nic.in എന്ന വെബ്‌സൈറ്റിലും ലഭ്യമാകും. ഇതുകൂടാതെ 

• results.kite.kerala.gov.in
• keralapareekshabhavan.in
• results.kerala.nic.in
• prd.kerala.gov.in

എന്നീ വെബ്‌സൈറ്റുകളിലും ഫലം ലഭ്യമാകും.

പരീക്ഷാ ഫലം എങ്ങനെ പരിശോധിക്കാം?

ജനന തീയതി, രജിസ്റ്റർ നമ്പർ എന്നിവ നൽകിയാണ് ഔദ്യോഗിക വെബ്സൈറ്റിൽ നിന്നും വിദ്യാർത്ഥികൾ പരീക്ഷാഫലം പരിശോധിക്കേണ്ടത്. അതിനായി താഴെപ്പറയുന്ന നിർദ്ദേശങ്ങൾ പിന്തുടരാവുന്നതാണ്.

• dhsekerala.gov.in എന്ന DHSE കേരളയുടെ ഔദ്യോഗിക വെബ്‌സൈറ്റിൽ പ്രവേശിക്കുക. 
• ഹോം പേജിൽ HSE Results എന്ന ഓപ്ഷൻ തിരഞ്ഞെടുക്കുക. 
• തുടർന്ന് ലഭിക്കുന്ന ജാലകത്തിൽ DHSE Results – 2023ൽ ക്ലിക്ക് ചെയ്യുക. 
• വിദ്യാർത്ഥിയുടെ ജനന തീയതി, രജിസ്റ്റർ നമ്പർ എന്നിവ നൽകുക.
• ശേഷം സബ്മിറ്റ് ബട്ടണിൽ ക്ലിക്ക് ചെയ്യുക. 
• ഇപ്പോൾ  DHSE Kerala Plus Two results 2023 സ്‌ക്രീനിൽ തെളിയും. ഇത്  ഡൗൺലോഡ് ചെയ്ത് സൂക്ഷിക്കുക.

SMSലൂടെയും ഫലം പരിശോധിക്കാം

ഒരേ സമയം നിരവധി പേർ ഫലം പരിശോധിക്കാൻ വെബ്‌സൈറ്റിൽ പ്രവേശിക്കുന്നതിനാൽ ചില സാങ്കേതിക തകരാറുകൾ ഉണ്ടാവാൻ സാധ്യതയുണ്ട്. ഈ അവസരത്തിൽ വിദ്യാത്ഥികൾക്ക് SMS വഴി കേരള പ്ലസ് ടു പരീക്ഷാഫലം 2023 ലഭ്യമാക്കാം. 56263 എന്ന നമ്പറിൽ ടെക്സ്റ്റ് മെസ്സേജ് അയച്ചാണ് ഫലം കണ്ടെത്തേണ്ടത്. അതിനായി 56263 എന്ന നമ്പറിൽ “KERALA12<REGISTRATION NUMBER>” എന്ന ഫോർമാറ്റിൽ മെസ്സേജ് അയക്കുക. റിസൾട്ടുകൾ ഉടൻതന്നെ SMS ആയി ലഭിക്കും. എന്നാൽ SMS ആയി ലഭിക്കുന്ന റിസൾട്ട്  ഡൗൺലോഡ് ചെയ്യാൻ സാധിക്കില്ല

ഗ്രേഡിംഗ് സമ്പ്രദായം

A+, A, B+, B, C+, C, D+, D എന്നിങ്ങനെ അഞ്ച് ഗ്രേഡുകളാണ് മാർക്ക് അടിസ്ഥാനത്തിൽ നൽകുക. സിലബസ്സിനെ കുറിച്ച് മനസ്സിലാക്കുന്നതോടൊപ്പം ഇതിനെ കുറിച്ച് കൃത്യമായ ധാരണയുണ്ടാക്കുക എന്നതാണ് കേരള പ്ലസ് ടു പരീക്ഷ 2023(Kerala Plus two exam 2023) എഴുതാൻ പോകുന്ന വിദ്യാർത്ഥി ചെയ്യേണ്ട പ്രധാന കാര്യങ്ങളിൽ ഒന്ന്.

A+മുതൽ D+ വരെ പ്രധാനമായും എട്ട് ഗ്രേഡുകളാണ് പ്ലസ് ടു വിന് നൽകുന്നത്. ഏറ്റവും കുറഞ്ഞത് D+ ഗ്രേഡ് ലഭിച്ചെങ്കിൽ മാത്രമേ ഉന്നത പഠനത്തിന് യോഗ്യത നേടുകയുള്ളു. എന്നാൽ എഞ്ചിനീയറിംഗ്, മെഡിസിൻ പോലുള്ള ചില പ്രവേശന പരീക്ഷകൾക്ക് യോഗ്യത നേടാൻ നിർദ്ദിഷ്ട വിഷയങ്ങളിൽ നിശ്ചിത മാർക്ക് വേണമെന്ന നിർബന്ധമുണ്ട്.

സേ/ ഇംപ്രൂവ്മെൻ്റ് പരീക്ഷ 2023

ഹയർസെക്കൻ്ററി പരീക്ഷാ ഫലത്തിൽ ഏതെങ്കിലും വിഷയത്തിൽ തോറ്റവർക്കായി നടത്തുന്നതാണ് സേ പരീക്ഷ (Save A Year). ഏതെങ്കിലും ഒരു വിഷയത്തിൽ  മാർക്ക് മെച്ചപ്പെടുത്താൻ ആഗ്രഹിക്കുന്നവർക്ക് ഇപ്രൂവ്മെൻ്റ് പരീക്ഷ എഴുതാനും ഇതോടൊപ്പം അവസരമുണ്ട്. യോഗ്യത നേടാനാവാത്ത വിഷയത്തിൽ വീണ്ടും പരീക്ഷ എഴുതാൻ അടുത്ത വർഷം വരെ കാത്തിരിക്കാതെ ഫലം പുറത്തു വന്നതിന് തൊട്ടടുത്ത മാസങ്ങളിലായി വീണ്ടും പരീക്ഷ എഴുതാം എന്നതാണ്  സേ പരീക്ഷയുടെ പ്രത്യേകത. ഇത് സംബന്ധിച്ച വിശദമായ നോട്ടിഫിക്കേഷൻ DHSEയുടെ ഔദ്യോഗിക വെബ്സൈറ്റിൽ www.dhsekerala.gov.in  ലഭ്യമാണ്.

രണ്ടാം വർഷ പരീക്ഷക്ക് രജിസ്റ്റർ ചെയ്ത് ഉന്നത വിദ്യാഭ്യാസത്തിന് യോഗ്യത നേടാനാവാത്ത റഗുലർ വിദ്യാർത്ഥികൾക്കാണ് സേ പരീക്ഷക്ക് അപേക്ഷിക്കാനാവുക. ഡി ഗ്രേഡോ അതിന് മുകളിലോ നേടാനാകാത്ത എല്ലാ വിഷയങ്ങൾക്കും സേ പരീക്ഷ എഴുതാവുന്നതാണ്. അതത് സ്കൂളുകളിലാണ് ഇതിനുള്ള അപേക്ഷ നൽകി ഫീസ് അടക്കേണ്ടത്. ബന്ധപ്പെട്ട പ്രധാനാധ്യാപകർ അനുബന്ധ നടപടികൾ സ്വീകരിക്കും. 

കേരളത്തിലെ വിദ്യാർത്ഥികൾക്ക് അതാത് സ്കൂളുകളിൽ തന്നെ പരീക്ഷ എഴുതാം. ഗൾഫ് മേഖലയിലെ സ്കൂളുകളിൽ പരീക്ഷക്ക് രജിസ്റ്റർ ചെയ്യുന്ന വിദ്യാർത്ഥികൾക്ക് യു എയിലെ കേന്ദ്രത്തിലോ അതത് വിഷയത്തിലെ കോമ്പിനേഷനുള്ള കേരളത്തിലെ ഏതെങ്കിലും കേന്ദ്രത്തിലോ പരീക്ഷ എഴുതാം.

ഫീസ്

കേരള ബോർഡ് പ്ലസ് ടു പ്രധാന തീയതികൾ

കേരള ബോർഡ് പ്ലസ് ടു പരീക്ഷാ സമയക്രമം

• പ്രാക്ടിക്കൽ ഇല്ലാത്ത വിഷയങ്ങൾ – രാവിലെ 9.45 മുതൽ ഉച്ചക്ക് 12.30 വരെ 
• പ്രാക്ടിക്കൽ ഉള്ള വിഷയങ്ങൾ ( ബയോളജി, മ്യൂസിക് എന്നിവയൊഴികെ)-രാവിലെ  9.45 മുതൽ ഉച്ചക്ക് 12.00 വരെ 

കേരള ബോർഡ് പ്ലസ് ടു പരീക്ഷ 2023: പരീക്ഷാ തീയതികൾ (Tentative)

കേരള ബോർഡ് പ്ലസ് ടു അഡ്മിറ്റ് കാർഡ് എങ്ങനെ ഡൗൺലോഡ് ചെയ്യാം

കേരള ബോർഡ് പ്ലസ് ടു ഹാൾ ടിക്കറ്റ് 2023 ഡൗൺലോഡ് ചെയ്യേണ്ടതെങ്ങനെയെന്ന് ചുവടെ കൊടുത്തിരിക്കുന്നു. സ്‌കൂൾ അധികൃതർക്ക് ഈ കാര്യങ്ങൾ പിന്തുടർന്നുകൊണ്ട് വിദ്യാർത്ഥികളുടെ അഡ്മിറ്റ് കാർഡുകൾ ഡൗൺലോഡ് ചെയ്യാം. അതാത് സ്കൂൾ മുഖേനഅഡ്മിറ്റ് കാർഡ് വിദ്യാർത്ഥികൾക്ക് വിതരണം ചെയ്യും.

• പ്ലസ് ടു അഡ്മിറ്റ് കാർഡ്( ഹാൾ ടിക്കറ്റ്) ലഭിക്കുന്നതിനായി www.dhsekerala.gov.in എന്ന വെബ്‌സൈറ്റ് സന്ദർശിക്കുക. 
• ന്യൂസ് സെക്ഷനിൽ കേരളാ ബോർഡ് പ്ലസ് ടു ഹാൾ ടിക്കറ്റ് 2023 എന്ന ലിങ്കിൽ ക്ലിക്ക് ചെയ്യുക. 
• ആവശ്യപ്പെടുന്ന വിവരങ്ങൾ നൽകുക ഉദാ:- സ്‌കൂൾ ലോഗിൻ ഐഡി, പാസ്സ്‌വേർഡ് എന്നിവ. 
• ഇത്രയും വിവരങ്ങൾ നൽകിയശേഷം സബ്‌മിറ്റ് ബട്ടൺ ക്ലിക്ക് ചെയ്യുമ്പോൾ സ്‌കൂളിൻ്റെ ഡാഷ്ബോർഡ് വിൻഡോ ദൃശ്യമാകും. 
• ഇതിൽ ‘Generate Kerala DHSE Plus Two Hall Ticket 2023 PDF’ എന്ന ലിങ്കിൽ ക്ലിക്ക് ചെയ്യുക. 
• ഇതോടെ DHSE പ്ലസ് ടു ഹാൾ ടിക്കറ്റ് സ്‌ക്രീനിൽ ദൃശ്യമാകും. ഹാർഡ് കോപ്പി ലഭിക്കുന്നതിനായി ഇത് ഡൗൺലോഡ് ചെയ്ത് പ്രിൻ്റൌട്ട് എടുക്കുക. 

വിദ്യാർത്ഥികൾക്ക് അഡ്മിറ്റ് കാർഡ് എങ്ങനെ ലഭിക്കും?

അതാത് സ്‌കൂളുകളിൽ നിന്ന് സ്‌കൂൾ അധികൃതർ മുഖേനയാണ് വിദ്യാർത്ഥികൾക്ക് അഡ്മിറ്റ് കാർഡ് (admit card) ലഭിക്കുന്നത്. പ്ലസ് ടു അഡ്മിറ്റ് കാർഡ് സ്വീകരിച്ച ശേഷം സ്‌കൂളിലെ ഹാൾ ടിക്കറ്റ് രജിസ്റ്ററിൽ വിദ്യാർത്ഥി ഒപ്പുവയ്‌ക്കേണ്ടതുണ്ട്.

അഡ്മിറ്റ് കാർഡ് സ്വീകരിച്ചശേഷം ശ്രദ്ധിക്കേണ്ട കാര്യങ്ങൾ

• അഡ്മിറ്റ് കാർഡിൽ പ്രിൻ്റ് ചെയ്തിരിക്കുന്ന എല്ലാ കാര്യങ്ങളും വായിച്ചു വ്യക്തമാണെന്ന് ഉറപ്പുവരുത്തുക. 
• നിങ്ങളുടെ അഡ്മിറ്റ് കാർഡിൻ്റെ രണ്ട് അധിക കോപ്പികളെടുത്ത് ഭദ്രമായി സൂക്ഷിക്കുക. 
• നിർദ്ദേശിച്ചിരിക്കുന്ന ഇടത്ത് തന്നെ നിങ്ങളുടെ ഫോട്ടോഗ്രാഫ് പതിപ്പിക്കുക. 
• അഡ്മിറ്റ് കാർഡിൽ സ്‌കൂൾ അധികൃതരുടെ ഒപ്പ് ആവശ്യപ്പെട്ടിട്ടുണ്ടോ എന്ന് പരിശോധിക്കുക. 
• അഡ്മിറ്റ് കാർഡിൽ തന്നിരിക്കുന്ന നിർദേശങ്ങൾ കൃത്യമായി വായിക്കുക. 
• പരീക്ഷാ ഹാളിൽ മാന്യമായി പെരുമാറേണ്ടത് ഓരോ വിദ്യാർത്ഥിയുടേയും കടമയാണ്. ഏതെങ്കിലും തരത്തിലുള്ള തെറ്റായ പ്രവർത്തനങ്ങൾ കണ്ടെത്തിയാൽ പരീക്ഷയിൽ നിന്ന് വിലക്കുന്നതടക്കം നിങ്ങൾക്കെതിരെ നടപടിയെടുക്കുന്നതാണ്.

പരീക്ഷാ ദിവസം പാലിക്കേണ്ട നിർദ്ദേശങ്ങൾ 

• പരീക്ഷാ സമയത്തിന് അരമണിക്കൂർ മുൻപ് തന്നെ പരീക്ഷാ കേന്ദ്രത്തിലെത്തുക.
• സ്‌കൂൾ ഐഡി, അഡ്മിറ്റ് കാർഡ് എന്നിങ്ങനെ ആവശ്യമായ രേഖകൾ കയ്യിൽ കരുതുക .
• വാട്ടർ ബോട്ടിൽ, ഹാൻഡ് സാനിറ്റൈസർ എന്നിവ സ്വന്തമായി കയ്യിൽ കരുതുക 
• പരീക്ഷാ സമയത്ത് ഫേയ്‌സ് മാസ്ക് ധരിക്കുക. 
• ചോദ്യ പേപ്പർ നന്നായി വായിച്ചശേഷം ഉത്തരങ്ങളെഴുതുക. 
• മൊബൈൽ ഫോൺ, ഡിജിറ്റൽ/ഇലക്ട്രോണിക് ഉപകരണങ്ങൾ എന്നിവ യാതൊരു കാരണവശാലും പരീക്ഷാ ഹാളിൽ കൊണ്ടുവരാൻ പാടില്ല.
• കേരള പ്ലസ് ടു ടൈംടേബിൾ 2023യിൽ സൂചിപ്പിച്ചതു പോലെ ഭിന്നശേഷിക്കാരായ കുട്ടികൾക്ക് പരീക്ഷക്കായി അര മണിക്കൂർ അധിക സമയം അനുവദിച്ചിട്ടുണ്ട്.
• പരീക്ഷ തുടങ്ങുന്നതിനു മുൻപുള്ള 15 മിനിറ്റ് കൂൾ ഓഫ് ടൈം ആയിരിക്കും. ഈ സമയം ചോദ്യങ്ങൾ നന്നായി വായിച്ച് മനസ്സിലാക്കുന്നതിനും പരീക്ഷ എങ്ങനെ എഴുതണമെന്ന ഏകദേശ ധാരണയുണ്ടാക്കുന്നതിനും ഉപയോഗിക്കണം.

കേരള ബോർഡ് പ്ലസ് ടു ഹാൾ ടിക്കറ്റ് ഗൈഡ് ലൈനുകൾ

• തുടർ മൂല്യനിർണയം സംബന്ധമായ കാര്യങ്ങൾ സമർപ്പിക്കാത്ത വിദ്യാർത്ഥികൾക്ക് യാതൊരു കാരണവശാലും പരീക്ഷ രജിസ്റ്റർ ചെയ്യാനാവില്ല.
• അതത് സ്‌കൂളുകൾ DHSE പോർട്ടലിൽ നിന്നും ഹാൾ ടിക്കറ്റ് ഡൗൺലോഡ് ചെയ്ത് പരീക്ഷയ്ക്ക് കുറഞ്ഞത് മൂന്ന് ദിവസം മുൻപെങ്കിലും വിദ്യാർത്ഥികൾക്ക് വിതരണം ചെയ്യേണ്ടതുണ്ട്. 
• ഹാൾ ടിക്കറ്റ് വിദ്യാർത്ഥിക്ക് നൽകുന്നതിന് മുൻപ് സ്‌കൂൾ പ്രിൻസിപ്പൽ അല്ലെങ്കിൽ അറ്റസ്റ്റിംഗ് അതോറിറ്റി ഹാൾടിക്കറ്റിലെ ഫോട്ടോഗ്രാഫിന് മുകളിൽ ഒപ്പുവയ്‌ക്കേണ്ടതാണ്.
• ഒരു ഹാൾ ടിക്കറ്റിലും പിശകുകളില്ലെന്നും എല്ലാ വിദ്യാർത്ഥികൾക്കും ഹാൾ ടിക്കറ്റ് ലഭ്യമായിട്ടുണ്ടെന്നും ക്ലാസ് ടീച്ചർ ഉറപ്പുവരുത്തുക. 
• രജിസ്റ്റർ ചെയ്ത എല്ലാ വിദ്യാർത്ഥികൾക്കും ഹാൾ ടിക്കറ്റ് ലഭ്യമായിട്ടുണ്ടെന്ന് ക്ലാസ്സ് ടീച്ചർ ഉറപ്പുവരുത്തുക. 

കേരള പ്ലസ് ടു പരീക്ഷയുടെ യോഗ്യതാ മാനദണ്ഡങ്ങൾ

പ്ലസ് ടു പരീക്ഷ എഴുതുന്നതിനുള്ള കൃത്യമായ യോഗ്യതാ മാനദണ്ഡങ്ങൾ കേരള സംസ്ഥാന ഹയർ സെക്കൻ്ററി വിദ്യാഭ്യാസ വകുപ്പ് പുറത്തിറക്കിയിട്ടുണ്ട്. അതിനനുസൃതമായാണ് ഓരോ വർഷവും പ്ലസ് ടു പരീക്ഷ നടത്തുന്നത്. 

• മിനിമം മാർക്ക്: ഒന്നാം വർഷ ഹയർ സെക്കൻ്ററി പരീക്ഷയിൽ അതായത് പ്ലസ് വൺ പരീക്ഷയിൽ എല്ലാ വിഷയങ്ങൾക്കും ചുരുങ്ങിയത് D+ ഗ്രേഡ് നേടിയിരിക്കണം. എങ്കിൽ മാത്രമേ പ്ലസ് ടു പരീക്ഷ എഴുതാനാവൂ.

• തുടർ മൂല്യ നിർണയം CE (Continuous Evaluation): അസൈൻമെൻ്റുകൾ, ക്ലാസ് ടെസ്റ്റ്, പ്രൊജക്ടുകൾ തുടങ്ങി എല്ലാം തുടർ മൂല്യ നിർണയ പരീക്ഷകളിലും വിദ്യാർത്ഥി പങ്കെടുത്തിരിക്കണം. ഇതിന് ലഭിച്ച മാർക്ക് അവസാന പരീക്ഷയുടെ മാർക്കിനോടൊപ്പം ചേർത്തായിരിക്കും നിങ്ങളുടെ മൊത്തം മാർക്ക് പ്രസിദ്ധീകരിക്കുക.

• മിനിമം അറ്റൻ്റൻസ്: ഈ വ്യവസ്ഥ റഗുലർ വിദ്യാർത്ഥികൾക്ക് മാത്രം ബാധകമായതാണ്. കേരള സംസ്ഥാന ഹയർ സെക്കൻ്ററി വിദ്യാഭ്യാസ വകുപ്പിൻ്റെ  നിബന്ധനകളനുസരിച്ച് റഗുലർ സ്ട്രീമിൽ പഠിക്കുന്ന വിദ്യാർത്ഥിക്ക് മിനിമം അറ്റൻഡൻസ് നിർബന്ധമാണ്.

FAQs

ചോ 1. കേരള ബോർഡ് പ്ലസ് ടു റിസൾട്ട് 2023 എങ്ങനെ ലഭിക്കും?

ഉ 1. ഡയറക്റ്ററേറ്റ് ഓഫ് ഹയർ സെക്കൻഡറി എഡ്യൂക്കേഷൻ (DHSE) ആണ് കേരള ബോർഡ് ഹയർ സെക്കൻഡറി പരീക്ഷയും ഫലപ്രഖ്യാപനവും നടത്തുന്നത്. ജനന തീയതി,രജിസ്റ്റർ നമ്പർ എന്നിവ നൽകി DHSEയുടെ ഔദ്യോഗിക വെബ്സൈറ്റായ www.dhsekerala.gov.in  നിന്നും വിദ്യാർത്ഥികൾക്ക് ഫലം പരിശോധിക്കാം. keralaresults.nic.in എന്ന വെബ്‌സൈറ്റിലും ലഭ്യമാകും.  

ചോ 2. Smsലൂടെ എങ്ങനെ പ്ലസ് ടു റിസൾട്ട് അറിയാനാകും?

ഉ 2. 56263 എന്ന നമ്പറിൽ ടെക്സ്റ്റ് മെസ്സേജ് അയച്ചാണ് ഫലം കണ്ടെത്തേണ്ടത്. അതിനായി 56263 എന്ന നമ്പറിൽ “KERALA12<REGISTRATION NUMBER>” എന്ന ഫോർമാറ്റിൽ മെസ്സേജ് അയക്കുക. റിസൾട്ടുകൾ ഉടൻതന്നെ SMS ആയി ലഭിക്കും. എന്നാൽ SMS ആയി ലഭിക്കുന്ന റിസൾട്ട്  ഡൗൺലോഡ് ചെയ്യാൻ സാധിക്കില്ല. 

ചോ 3. സേ പരീക്ഷ എഴുതാൻ എന്ത് ചെയ്യണം?

ഉ 3. രണ്ടാം വർഷ പരീക്ഷക്ക് രജിസ്റ്റർ ചെയ്ത് ഉന്നത വിദ്യാഭ്യാസത്തിന് യോഗ്യത നേടാനാവാത്ത റഗുലർ വിദ്യാർത്ഥികൾക്കാണ് സേ പരീക്ഷക്ക് അപേക്ഷിക്കാനാവുക. ഡി ഗ്രേഡോ അതിന് മുകളിലോ നേടാനാകാത്ത എല്ലാ വിഷയങ്ങൾക്കും സേ പരീക്ഷ എഴുതാവുന്നതാണ്. അതത് സ്കൂളുകളിലാണ് ഇതിനുള്ള അപേക്ഷ നൽകി ഫീസ് അടക്കേണ്ടത്.

ചോ 4. പ്ലസ് ടു റിസൾട്ട് അറിഞ്ഞാൽ ഉടനെ മാർക്ക് ലിസ്റ്റ് ലഭിക്കുമോ?

ഉ 4. റിസൾട്ട് അറിയുന്നതോടൊപ്പം തന്നെ താൽക്കാലിക മാർക്ക് ലിസ്റ്റും നിങ്ങൾക്ക് ലഭിക്കും ഇത് ഡൗൺലോഡ് ചെയ്ത് സൂക്ഷിക്കേണ്ടതാണ്. ഒറിജിനൽ മാർക്ക് ലിസ്റ്റ് ലഭിക്കുന്നത് വരെ ഇവ ഉലയോഗിക്കാം

ചോ 5.പ്ലസ് ടു പ്രാക്ടിക്കൽ പരീക്ഷക്കുള്ള ഫീസ് എത്രയാണ്?

ഉ 5. ഒരു വിഷയത്തിന് 25 രൂപ എന്ന രീതിയിലാണ് പ്ലസ് ടു പ്രാക്ടിക്കൽ പരീക്ഷയുടെ ഫീസ്

കേരള ബോർഡ് പ്ലസ് ടു പരീക്ഷാഫലം 2023 -നെക്കുറിച്ചുള്ള ഏറ്റവും പുതിയ വാർത്തകൾക്കും അപ്‌ഡേറ്റുകൾക്കുമായി Embibe സന്ദർശിക്കൂ. www.embibe.com എന്നതിലെ ഈ ലേഖനം നിങ്ങൾക്ക് സഹായകരമാണെന്ന് ഞങ്ങൾ പ്രതീക്ഷിക്കുന്നു. ഇത്തരം കൂടുതൽ പഠന സാമഗ്രികൾക്കായി Embibeൽ തുടരുക.