കേരള പ്ലസ് ടു പരീക്ഷ ടൈംടേബിൾ 2023: പരീക്ഷാ തീയതികൾ അറിയാം

ആമുഖം

Kerala Plus Two exam date 2023: ഒരു വിദ്യാർത്ഥിയുടെ ജീവിതത്തിലെ ഏറ്റവും പ്രധാനപ്പെട്ട വഴിത്തിരിവുകളിൽ ഒന്നാണ് പ്ലസ് ടു പരീക്ഷ . ലക്ഷ്യങ്ങൾ കൈവരിച്ച് കരിയർ മികച്ചതാക്കാൻ പന്ത്രണ്ടാം ക്ലാസിൽ മികച്ച വിജയം കൂടിയേ തീരൂ.

കേരള സംസ്ഥാന ഹയർ സെക്കൻ്ററി വിദ്യാഭ്യാസ വകുപ്പിനാണ് പ്ലസ് ടു പരീക്ഷ (Kerala Plus two exam) നടത്തിപ്പ് ചുമതല. ഒന്നാം വർഷ ഹയർ സെക്കൻ്ററി പരീക്ഷ ജയിച്ച വിദ്യാർത്ഥികൾക്കായിരിക്കും രണ്ടാം വർഷ പരീക്ഷ എഴുതാൻ അർഹതയുള്ളത്.

A+,A,B+,B,C+,C,D+,D എന്നിങ്ങനെ ഒൻപത് ഗ്രേഡുകളുടെ അടിസ്ഥാനത്തിലാണ് യോഗ്യത കണക്കാക്കുക. എല്ലാ വിഷയങ്ങളിലും മിനിമം ഗ്രേഡായ D+ നേടിയെങ്കിൽ മാത്രമേ ഉന്നത വിദ്യാഭ്യാസത്തിനുള്ള യോഗ്യത നേടുകയുള്ളൂ. D യോ അതിന് താഴെയോ ഗ്രേഡ് വാങ്ങിയവർ സേ പരീക്ഷ (സേവ് എ ഇയർ) എഴുതേണ്ടതായി വരും

കേരള പ്ലസ് ടു പരീക്ഷ 2022-23: ഒറ്റ നോട്ടത്തിൽ

കേരള പ്ലസ് ടു പരീക്ഷ 2022-23: യോഗ്യതാ മാനദണ്ഡങ്ങൾ

പ്ലസ് ടു പരീക്ഷ എഴുതുന്നതിനുള്ള കൃത്യമായ യോഗ്യതാ മാനദണ്ഡങ്ങൾ കേരള സംസ്ഥാന ഹയർ സെക്കൻ്ററി വിദ്യാഭ്യാസ വകുപ്പ് പുറത്തിറക്കിയിട്ടുണ്ട്. അതിനനുസൃതമായാണ് ഓരോ വർഷവും പ്ലസ് ടു പരീക്ഷ നടത്തുന്നത്. 

• മിനിമം മാർക്ക്: ഒന്നാം വർഷ ഹയർ സെക്കൻ്ററി പരീക്ഷയിൽ അതായത് പ്ലസ് വൺ പരീക്ഷയിൽ എല്ലാ വിഷയങ്ങൾക്കും ചുരുങ്ങിയത് D+ ഗ്രേഡ് നേടിയിരിക്കണം. എങ്കിൽ മാത്രമേ പ്ലസ് ടു പരീക്ഷ എഴുതാനാവൂ.

• തുടർ മൂല്യ നിർണയം CE (Continuous Evaluation): അസൈൻമെൻ്റുകൾ, ക്ലാസ് ടെസ്റ്റ്, പ്രൊജക്ടുകൾ തുടങ്ങി എല്ലാം തുടർ മൂല്യ നിർണയ പരീക്ഷകളിലും വിദ്യാർത്ഥി പങ്കെടുത്തിരിക്കണം. ഇതിന് ലഭിച്ച മാർക്ക് അവസാന പരീക്ഷയുടെ മാർക്കിനോടൊപ്പം ചേർത്തായിരിക്കും നിങ്ങളുടെ മൊത്തം മാർക്ക് പ്രസിദ്ധീകരിക്കുക.

• മിനിമം അറ്റൻ്റൻസ്: ഈ വ്യവസ്ഥ റഗുലർ വിദ്യാർത്ഥികൾക്ക് മാത്രം ബാധകമായതാണ്. കേരള സംസ്ഥാന ഹയർ സെക്കൻ്ററി വിദ്യാഭ്യാസ വകുപ്പിൻ്റെ  നിബന്ധനകളനുസരിച്ച് റഗുലർ സ്ട്രീമിൽ പഠിക്കുന്ന വിദ്യാർത്ഥിക്ക് മിനിമം അറ്റൻഡൻസ് നിർബന്ധമാണ്.

കേരള പ്ലസ് ടു പരീക്ഷാ ടൈംടേബിൾ 2023

2023 ജനുവരി മാസത്തിലായിരിക്കും ആ വർഷത്തെ പ്ലസ് ടു പരീക്ഷയുടെ ഔദ്യോഗിക ടൈംടേബിൾ ഹയർ സെക്കൻ്ററി വിദ്യാഭ്യാസ ഡയറക്ടറേറ്റ് പുറത്തിറക്കുക. DHSE ഔദ്യോഗിക വെബ്സൈറ്റിൽ ഇത് ലഭ്യമാകും (Kerala Plus Two Exam 2022-23 Timetable). ഓരോ വിഷയം തിരിച്ചുള്ള പരീക്ഷാ ക്രമം, സമയം, തീയതി എന്നിവ ടൈംടേബിളിൽ ഉൾപ്പെടുത്തിയിരിക്കും.

കേരള പ്ലസ് ടു പരീക്ഷ: തീയതി

2023ലെ കേരള പ്ലസ് ടു ഹയർ സെക്കൻ്ററി പരീക്ഷ ഏപ്രിൽ മാസത്തിൽ നടക്കുമെന്നാണ് പ്രതീക്ഷിക്കുന്നത്. പ്ലസ് ടു പരീക്ഷയുടെ താൽക്കാലിക തീയതികൾ ലഭ്യമായിട്ടുണ്ട്. ഔദ്യോഗിക ടൈംടേബിൾ വരുന്നതു വരെ ഇവ ഉപയോഗപ്പെടുത്തി കുട്ടികൾക്ക് പഠന പദ്ധതികൾ തയ്യാറാക്കാവുന്നതാണ്. സിലബസ് മുഴുവൻ കവർ ചെയ്യുന്ന തരത്തിൽ പഠന പ്ലാൻ തയ്യാറാക്കാൻ ടൈംടേബിൾ വിദ്യാർത്ഥികൾക്ക് ഉപകാരപ്പെടും. ഇത്തവണ നാല് ലക്ഷത്തോളം വിദ്യാർത്ഥികളാണ് പരീക്ഷ എഴുതാൻ തയ്യാറെടുക്കുന്നത്.പരീക്ഷാ സംബന്ധമായ കാര്യങ്ങളിൽ കൃതൃതയുണ്ടെങ്കിൽ തീർച്ചയായും നിങ്ങൾ പ്രതീക്ഷിച്ച വിജയം നേടാനാകും.

മുൻ വർഷത്തെ പരീക്ഷയെ അടിസ്ഥാനമാക്കി നിർമിച്ച വിവരങ്ങളാണിവ. തീയതികളിൽ മാറ്റങ്ങൾ സംഭവിച്ചേക്കാം.

കേരള പ്ലസ് ടു പരീക്ഷാ സമയക്രമം 2023

പ്രാക്ടിക്കൽ, തിയറി എന്നിങ്ങനെ രണ്ട് വിഭാഗങ്ങളിലായാണ് പരീക്ഷ നടക്കുക. ബയോളജി, മ്യൂസിക് എന്നിവയൊഴികെ പ്രാക്ടിക്കലുള്ള വിഷയങ്ങളിലെ പരീക്ഷ രാവിലെ 9.45 മുതൽ ഉച്ചക്ക് ഒരു മണിവരെ നടക്കും. കൂൾ ഓഫ് ടൈം ഉൾപ്പെടെയാണിത്. പ്രാക്ടിക്കൽ ഇല്ലാത്ത വിഷയങ്ങൾക്ക് 9.45 മുതൽ 12.30 വരെയാണ് സമയ ക്രമം. 

കേരള പ്ലസ് ടു പരീക്ഷാ ടൈംടേബിൾ 2023

2022-23 അധ്യയന വർഷത്തെ പ്ലസ് ടു പരീക്ഷാ വിവരങ്ങളടങ്ങിയ ടൈംടേബിളാണ് താഴെ നൽകിയിരിക്കുന്നത്. ഔദ്യോഗിക വിവരങ്ങൾക്കനുസരിച്ച് സമയക്രമത്തിലും തീയതികളും ചെറിയ ചില മാറ്റങ്ങൾ വന്നേക്കാം. 

കേരള പ്ലസ് ടു ആർട്സ് വിഷയങ്ങളുടെ ടൈംടേബിൾ

കേരള പ്ലസ് ടു മോഡൽ പരീക്ഷാ ടൈംടേബിൾ

പ്രധാന പരീക്ഷക്ക് മുന്നോടിയായുള്ള മോഡൽ പരീക്ഷ വളരെ പ്രാധാന്യമർഹിക്കുന്നതാണ്. ചോദ്യങ്ങളുടെ രീതി, പരീക്ഷക്ക് അനുവദിച്ചിട്ടുള്ള സമയം ഉപയോഗപ്പെടുത്തുന്നതിനെ കുറിച്ചുള്ള ധാരണ, തയ്യാറെടുപ്പുകൾ എത്രത്തോളം ഫലപ്രദമാണ്, കൂടുതലായി ഏതെങ്കിലും ഭാഗം പഠിക്കേണ്ടതായുണ്ടോ, പരീക്ഷയുടെ പൊതുവേയുള്ള സ്വഭാവം തുടങ്ങിയ കാര്യങ്ങളെ കുറിച്ചെല്ലാം ഒരു ഏകദേശ ധാരണ മോഡൽ പരീക്ഷയിൽ നിന്നും ലഭിക്കും. പ്ലസ് ടു മോഡൽ പരീക്ഷയുടെ എല്ലാ വിവരങ്ങളും ചുവടെയുള്ള പട്ടികയിൽ ഉൾപ്പെടുത്തിയിരിക്കുന്നു.

കേരള പ്ലസ് ടു പരീക്ഷ 2023; ടൈംടേബിൾ എങ്ങനെ ഡൗൺലോഡ് ചെയ്യാം.

DHSE ഔദ്യോഗിക വെബ്സൈറ്റിൽ പരീക്ഷ ടൈം ടേബിൾ ലഭ്യമാകും. ടൈംടേബിളിനെ അടിസ്ഥാനമാക്കിയുള്ള പരീക്ഷാ തയ്യാറെടുപ്പ് പാഠങ്ങൾ മുഴുവൻ ഉൾക്കൊള്ളിച്ച് സിലബസ് പൂർത്തിയാക്കാൻ നിങ്ങളെ സഹായിക്കും. ടൈംടേബിൾ ഡൗൺലോഡ് ചെയ്യേണ്ടത് എങ്ങനെയാണെന്ന് നോക്കാം.

• താഴെ നൽകിയിരിക്കുന്ന ലിങ്കിൽ ക്ലിക്ക് ചെയ്യുക

(Kerala Plus Two Exam 2022-23 Timetable)

• സർക്കുലർ/നോട്ടിഫിക്കേഷൻ എന്ന ഓപ്ഷനിൽ ക്ലിക്ക് ചെയ്യുക
• എക്സാമിനേഷൻ വിഭാഗത്തിലെ കേരള പ്ലസ് ടു ടൈം ടേബിൾ 2023 എന്നതിൽ ക്ലിക്ക് ചെയ്ത് പിഡിഎഫ് രൂപത്തിൽ ഡൗൺലോഡ് ചെയ്തെടുക്കാം.

കേരള പ്ലസ് ടു പ്രാക്ടിക്കൽ പരീക്ഷാ ടൈംടേബിൾ

കേരള പ്ലസ് ടു പ്രാക്ടിക്കൽ പരീക്ഷാ ടൈംടേബിൾ തയ്യാറാക്കുന്നത് അതാത് സ്കൂകൂളുകളാണ്. വിദ്യാർത്ഥികൾക്ക് ടൈംടേബിൽ സ്കൂളിൽ നിന്ന് നേരിട്ടോ ഔദ്യോഗിക വെബ്സൈറ്റ് വഴിയോ ലഭിക്കുന്നതാണ്. 2023 ഫെബ്രുവരി മാസത്തിലായിരിക്കും കേരള പ്ലസ് ടു പ്രാക്ടിക്കൽ പരീക്ഷ നടക്കുക.

(Kerala Plus Two Practical Exam 2022-23 Timetable)

കേരള പ്ലസ് ടു പരീക്ഷക്ക് എങ്ങനെ പഠിക്കാം;Exam preparation tips

പരീക്ഷ അടുത്തു കഴിഞ്ഞാൽ പിന്നെ രക്ഷിതാക്കൾക്കും കുട്ടികൾക്കും ഒരു പോലെ ആശങ്കയാണ്. ആദ്യം എന്ത് പഠിക്കണം, എവിടെ തുടങ്ങണം, എത്ര സമയം പഠിക്കണം, ആരോട് ചോദിക്കണം. എന്ന് തുടങ്ങി എണ്ണിയാൽ തീരാത്തത്ര സംശയങ്ങളായിരിക്കും ഉണ്ടാവുക. വിദ്യാർത്ഥികളിലുണ്ടാകുന്ന ഇത്തരത്തിലുള്ള അമിതമായ ഉത്കണ്ഠകൾ ചിലപ്പോൾ പരീക്ഷയെ പ്രതികൂലമായി ബാധിച്ചേക്കാം. വളരെ മികച്ച രീതിയിൽ പഠനം പൂർത്തിയാക്കിയവർക്ക് പോലും ഇത്തരത്തിലുള്ള ഉത്കണ്ഠ കാരണം പരീക്ഷ നന്നായി എഴുതാൻ സാധിക്കാതെ വരും. പരീക്ഷാ കാലത്തുണ്ടാകുന്ന അമിതമായ ആശങ്കകളും ടെൻഷനും ഒഴിവാക്കി ആത്മ വിശ്വാസത്തോടെ പരീക്ഷ എഴുതുന്നതിനും മികച്ച മാർക്ക് നേടുന്നതിനും ആവശ്യമായ ചെറിയ ചില വിദ്യകളാണ് ഇനി പറയുന്നത്.

• ഏത് സമയത്ത് പഠിക്കാം?

പഠിക്കാൻ പറ്റിയ സമയം ഏതാണെന്നുള്ളത് എപ്പോഴും ഉയർന്നു വരുന്ന സംശയങ്ങളിൽ ഒന്നാണ്. ചിലർ പറയും കാലത്ത് നേരത്തെ ഉണർന്ന് പഠിക്കുന്നതാണ് ഏറ്റവും നല്ലതെന്ന്. മറ്റ് ചിലരാകട്ടെ രാത്രി പഠിക്കുന്നതാണ് നല്ലതെന്ന് വാദിക്കും. ഇനി ഇതിലൊന്നും പെടാത്ത ഒരു കൂട്ടർ എപ്പോഴും പഠിച്ചു കൊണ്ടിരിക്കണമെന്നും പറയും. ഇതെല്ലാം കേട്ട് കിളി പോയ മട്ടിൽ ഇരിക്കുന്നതാവട്ടെ പാവം കുട്ടികളുമായിരിക്കും. 

പഠിക്കാൻ തിരഞ്ഞടുക്കുന്ന സമയത്തെ കുറിച്ച് പലർക്കും പല അഭിപ്രായമായിരിക്കും. അതുകൊണ്ട് തന്നെ ഓരോരുത്തർക്കും പഠിക്കാൻ അനുയോജ്യമായ സമയം സ്വയം കണ്ടെത്തുക എന്നുള്ളതാണ് പ്രാധാന്യം. ഏത് സമയത്ത് പഠിച്ചാലാണ് കാര്യങ്ങൾ കൂടുതൽ എളുപ്പത്തിൽ മനസ്സിലാകുന്നത് എന്ന തിരിച്ചറിവ് കുട്ടികളിലുണ്ടാകണം. അതിനനുസരിച്ച് പഠനപ്ലാൻ രൂപപ്പെടുത്തുകയാണെങ്കിൽ ഏറെ ഗുണം ചെയ്യും. ചില കുട്ടികൾ വൈകി ഉറങ്ങുന്നവരും ചിലർ നേരത്തെ ഉറങ്ങുന്നവരുമായിരിക്കും. ഇത് മനസ്സിലാക്കി പഠന ക്രമം തീരുമാനിക്കുന്നതായിരിക്കും ഏറ്റവും നല്ലത്

• പഠനം എവിടെ തുടങ്ങണം

പഠിക്കാനാണെങ്കിൽ കുന്നോളമുണ്ട്. പക്ഷേ എവിടെ തുടങ്ങണമെന്ന് അറിയില്ല! എല്ലാ കുട്ടികളും സ്ഥിരം പറഞ്ഞു കേൾക്കുന്ന പരാതിയാണല്ലോ ഇത്. ഏത് വിഷയം എവിടെ പഠിച്ച് തുടങ്ങണമെന്നുള്ള കാര്യ എപ്പോഴും ആശങ്കയുണ്ടാക്കുന്നതു തന്നെയാണ്. അതുകൊണ്ട് തന്നെ സ്വന്തം ഇഷ്ടാനുസൃതം അവ കണ്ടെത്തുന്നതായിരിക്കും ഉചിതം. ചിലർക്ക് എളുപ്പമുള്ള പാഠങ്ങൾ ആദ്യം പഠിച്ചു തീർക്കാനായിരിക്കും ഇഷ്ടം. കൂടുതൽ സമയം ഏകാഗ്രതയോടെ പഠിക്കാൻ ഇത് സഹായിക്കും.  മറ്റ് ചിലരാകട്ടെ ബുദ്ധിമുട്ടുള്ള പാഠഭാഗങ്ങൾ ആദ്യം പഠിക്കാൻ ശ്രമിക്കും. ഇതുവഴി പരീക്ഷ എഴുതുന്നതിനുള്ള ആത്മവിശ്വാസം വർദ്ധിപ്പിക്കാൻ സാധിക്കും. ഏത് തരത്തിലായാലും പഠനം ബോറടിക്കുന്നു എന്ന് തോന്നിയാൽ വിഷയം മാറി പരീക്ഷിക്കാൻ മറക്കരുത്.

• പരീക്ഷ അടുത്തു, സമയമില്ല, ഇനിയെന്ത് ചെയ്യും?

എല്ലാ വർഷവും പുതിയ ക്ലാസ് ആരംഭിക്കുമ്പോൾ ഇന്നു മുതൽ ഞാൻ ദിവസേനയുള്ള കാര്യങ്ങൾ അന്ന് തന്നെ പഠിച്ചു തീർക്കുമെന്ന് പ്രതിജ്ഞയെടുക്കുന്നവരായിരിക്കും ഭൂരിഭാഗം കുട്ടികളും. എന്നാൽ ക്ലാസ് തുടങ്ങി ആദ്യ ആഴ്ച കഴിയുമ്പോഴേക്കും ഈ ആവേശമെല്ലാം ആറി തണുക്കും. പിന്നീട് പരീക്ഷ അടുക്കുമ്പോഴായിരിക്കും പഠിക്കാനുള്ള കാര്യങ്ങൾ ഇനിയും കുറേ ബാക്കിയാണല്ലോ എന്ന കാര്യം ആലോചിച്ച് ആശങ്കപ്പെടുക. അപ്പോഴേക്കും തയ്യാറെടുപ്പിനായി വളരെ കുറച്ച് സമയം മാത്രമേ ബാക്കി ഉണ്ടാവുകയുള്ളു. ഈ രീതി ഒരിക്കലും നല്ലതല്ല. ഓരോ ദിവസവും കൃത്യമായ പഠനപ്ലാൻ മുൻനിർത്തി പഠിക്കണം. ദിവസവും പഠനത്തിനായി എത്ര സമയം മാറ്റിവെക്കണം എന്നുള്ള കാര്യത്തിലും കൃത്യത ഉണ്ടായിരിക്കണം. അല്ലെങ്കിൽ അവസാന നിമിഷം സിലബസ് പൂർത്തിയാക്കാനാകെ നിങ്ങളുടെ ആത്മ വിശ്വാസം നഷ്ടപ്പെടും. ഇത് പരീക്ഷയെ പ്രതികൂലമായി ബാധിക്കുകയും ചെയ്യും.

കേരള പ്ലസ് ടു പരീക്ഷ 2023; പരീക്ഷാ ഹാളിൽ പാലിക്കേണ്ട കാര്യങ്ങൾ

പരീക്ഷാ ദിവസം ഹാളിൽ പാലിക്കേണ്ട കാര്യങ്ങളെ കുറിച്ചുള്ള നിർദ്ദേശങ്ങൾ പരീക്ഷാ ടൈംടേബിളിനൊപ്പം തന്നെ ഉൾപ്പെടുത്തിയിട്ടുണ്ട്. അവ താഴെ തന്നിരിക്കുന്നു.

•  പരീക്ഷാ ഹാളിൽ യാതൊരു തരത്തിലുള്ള അനാവശ്യ പ്രവർത്തനങ്ങളും അനുവദനീയമല്ല. അത്തരത്തിൽ എന്തെങ്കിലും കണ്ടെത്തിയാൽ നിങ്ങൾക്ക് പരീക്ഷ എഴുതുന്നതിൽ വിലക്ക് നേരിടേണ്ടി വരും.
• ഇലക്ട്രോണിക് ഗാഡ്ജെറ്റുകൾ, കാൽക്കുലേറ്റർ, മൊബൈൽൺ തുടങ്ങിയ യാതൊരു വസ്തുക്കളും പരീക്ഷാ ഹാളിൽ കൊണ്ടു വരരുത്.
• കേരള പ്ലസ് ടു ടൈംടേബിൾ 2023-ൽ സൂചിപ്പിച്ചതു പോലെ ഭിന്നശേഷിക്കാരായ കുട്ടികൾക്ക് പരീക്ഷക്കായി അര മണിക്കൂർ അധിക സമയം അനുവദിച്ചിട്ടുണ്ട്.
• +2പരീക്ഷ ആരംഭിക്കുന്നതിന് അര മണിക്കൂർ മുമ്പെങ്കിലും വിദ്യാർത്ഥികൾ പരീക്ഷാ ഹാളിൽ എത്തിയിരിക്കണം. പരീക്ഷക്ക് മുൻപുള്ള മാനസിക സംഘർഷം ഒഴിവാക്കുന്നതിനും തയ്യാറെടുക്കുന്നതിനും ഇത് സഹായിക്കും.
• പരീക്ഷ തുടങ്ങുന്നതിനു മുൻപുള്ള 15 മിനിറ്റ് കൂൾ ഓഫ് ടൈം ആയിരിക്കും. ഈ സമയം ചോദ്യങ്ങൾ നന്നായി വായിച്ച് മനസ്സിലാക്കുന്നതിനും പരീക്ഷ എങ്ങനെ എഴുതണമെന്ന ഏകദേശ ധാരണയുണ്ടാക്കുന്നതിനും ഉപയോഗിക്കണം

FAQs

ചോ 1: കേരള പ്ലസ് ടു പരീക്ഷാ 2023 ടൈംടേബിൾ എങ്ങനെ ലഭിക്കും?
ഉ 1: ഹയർ സെക്കൻ്ററി വിദ്യാഭ്യാസ ഡയറക്ടറേറ്റിനാണ് കേരള പ്ലസ് ടു പരീക്ഷാ 2023ൻ്റെ നടത്തിപ്പ് ചുമതല. പരീക്ഷാ തീയതികളിൽ തീരുമാനമായാൽ ഡയറക്ടറേറ്റ് തന്നെ ടൈംടേബിൾ പുറത്തിറക്കും. Dhsekerala.gov.in എന്ന ഔദ്യോഗിക വെബ്സൈറ്റിൽ നിന്നും നേരിട്ട് പിഡിഎഫ് രൂപത്തിൽ വിദ്യാർത്ഥികൾക്ക്  ടൈംടേബിൾ ഡൗൺലോഡ് ചെയ്തെടുക്കാം.

ചോ2: കേരള പ്ലസ് ടു 2023ൻ്റെ എഴുത്തു പരീക്ഷയും പ്രാക്ടിക്കൽ പരീക്ഷയും ഒരേ ദിവസമായിരിക്കുമോ നടക്കുക?
ഉ 2: കേരള പ്ലസ് ടു പ്രാക്ടിക്കൽ പരീക്ഷാ ടൈംടേബിൾ തയ്യാറാക്കുന്നത് അതാത് സ്‌കൂളുകളാണ്. വിദ്യാർത്ഥികൾക്ക് ടൈംടേബിൽ സ്കൂളിൽ നിന്ന് നേരിട്ടോ ഔദ്യോഗിക വെബ്സൈറ്റ് വഴിയോ ലഭിക്കുന്നതാണ്.ഹയർ സെക്കൻ്ററി വിദ്യാഭ്യാസ ഡയറക്ടറേറ്റിനാണ് കേരള പ്ലസ് ടു പരീക്ഷാ 2023ൻ്റെ നടത്തിപ്പ് ചുമതല. സാധാരണ രീതിയിൽ എഴുത്ത് പരീക്ഷയും പ്രാക്ടിക്കൽ പരീക്ഷയും ഒരേ ദിവസം നടത്താറില്ല.

ചോ 3: കേരള പ്ലസ് ടു പരീക്ഷ 2023ൻ്റെ മോഡൽ പരീക്ഷ എഴുതണമെന്ന് നിർബന്ധമുണ്ടോ?
ഉ 3: പ്രധാന പരീക്ഷക്ക് മുന്നോടിയായുള്ള മോഡൽ പരീക്ഷ വളരെ പ്രാധാന്യമർഹിക്കുന്നതാണ്. ചോദ്യങ്ങളുടെ രീതി, പരീക്ഷക്ക് അനുവദിച്ചിട്ടുള്ള സമയം ഉപയോഗപ്പെടുത്തുന്നതിനെ കുറിച്ചുള്ള ധാരണ, തയ്യാറെടുപ്പുകൾ എത്രത്തോളം ഫലപ്രദമാണ്, കൂടുതലായി ഏതെങ്കിലും ഭാഗം പഠിക്കേണ്ടതായുണ്ടോ, പരീക്ഷയുടെ പൊതുവേയുള്ള സ്വഭാവം തുടങ്ങിയ കാര്യങ്ങളെ കുറിച്ചെല്ലാം ഒരു ഏകദേശ ധാരണ മോഡൽ പരീക്ഷയിൽ നിന്നും ലഭിക്കും. അതു0കൊണ്ട് തന്നെ നിർബന്ധമായും മോഡൽ പരീക്ഷ എഴുതുക.

ചോ 4: പ്ലസ് ടു പരീക്ഷാ ടൈംടേബിൾ 2023 എപ്പോൾ ലഭിക്കും?
ഉ 4: 2023 ഫെബ്രുവരി മാസത്തോടെ പ്ലസ് ടു പരീക്ഷാ ടൈംടേബിൾ ഔദ്യോഗികമായി പ്രഖ്യാപിക്കും

ചോ 5: പ്ലസ് ടു പരീക്ഷയിൽ ഡി ഗ്രേഡോ അതിന് താഴെയോ ലഭിച്ചാൽ എന്ത് ചെയ്യും?
ഉ 5: എല്ലാ വിഷയങ്ങളിലും മിനിമം ഗ്രേഡായ D+ നേടിയെങ്കിൽ മാത്രമേ ഉന്നത വിദ്യാഭ്യാസത്തിനുള്ള യോഗ്യത നേടുകയുള്ളൂ. D യോ അതിന് താഴെയോ ഗ്രേഡ് വാങ്ങിയവർ സേ പരീക്ഷ (സേവ് എ ഇയർ) എഴുതേണ്ടതായി വരും

കേരള ബോർഡ് പ്ലസ് ടു പരീക്ഷ ടൈംടേബിൾ 2023 -നെക്കുറിച്ചുള്ള ഏറ്റവും പുതിയ വാർത്തകൾക്കും അപ്‌ഡേറ്റുകൾക്കുമായി Embibe-ൽ സന്ദർശിക്കൂ. www.embibe.com എന്നതിലെ ഈ ലേഖനം നിങ്ങൾക്ക് സഹായകരമാണെന്ന് ഞങ്ങൾ പ്രതീക്ഷിക്കുന്നു. ഇത്തരം കൂടുതൽ പഠന സാമഗ്രികൾക്കായി Embibeൽ തുടരുക.