తెలంగాణ ఇంటర్మీడియట్ బోర్డు ద్వితీయ సంవత్సరం పరీక్ష విశ్లేషణ 2023

టీఎస్ బీఐఈ (BIEతెలంగాణ) ఇంటర్ ద్వితీయ సంవత్సరం సెకెండ్ ఇంటర్ పరీక్ష విశ్లేషణ గురించి బాగా అర్ధం చేసుకోవాలి. తద్వారా అడిగే ప్రశ్నలు, మార్కులు గురించి తెలుసుకోవాలి. తెలంగాణ ఇంటర్ పరీక్షల విశ్లేషణని పరిశీలిస్తే, విద్యార్థులు పరీక్ష కోసం సిద్ధమవడానికి తమ కార్యాచరణను ప్లాన్ చేసుకోవచ్చు. 

1సెకెండ్ ఇంటర్ పరీక్ష విశ్లేషణ నాలుగు వర్గాలుగా విభజించవచ్చు:

1. గరిష్టంగా 100 మార్కులతో సబ్జెక్టులు: వీటిలో ఇంగ్లీషు, ఐచ్ఛిక భాషలు (తెలుగు, హిందీ, సంస్కృతం, ఫ్రెంచ్, ఉర్దూ, అరబిక్, తమిళం, కన్నడ, ఒరియా, మరాఠీ), వాణిజ్యం, ఆర్థిక శాస్త్రం, పౌరశాస్త్రం, చరిత్ర, భూగర్భ శాస్త్రం, హోమ్ సైన్స్, సోషియాలజీ, లాజిక్ , పబ్లిక్ అడ్మినిస్ట్రేషన్ మరియు సైకాలజీ ఉన్నాయి.

2. గరిష్టంగా 75 మార్కులు ఉన్న సబ్జెక్టులు: వీటిలో గణితం మరియు భౌగోళిక శాస్త్రం ఉన్నాయి.

3. గరిష్టంగా 60 మార్కులు ఉన్న సబ్జెక్టులు: భౌతిక శాస్త్రం, రసాయన శాస్త్రం, వృక్ష శాస్త్రం, జంతు శాస్త్రం వంటి సబ్జెక్టులు ఈ కేటగిరీ కిందకు వస్తాయి.

4. గరిష్టంగా 50 మార్కులు ఉన్న సబ్జెక్టులు: సంగీతం వర్గానికి సంబంధించిన సబ్జెక్టులు

ప్రతి స్ట్రీమ్‌కు సంబంధించిన సబ్జెక్ట్‌లు, అలాగే భాష మరియు ఐచ్ఛిక పేపర్‌ని తెలుసుకోవడానికి దిగువ పట్టికను చూడండి:

తెలంగాణ బోర్డు ఇంటర్ 12వ తరగతి పరీక్ష విశ్లేషణ వివరాలు – మొత్తం సమయం

ప్రతి సబ్జెక్టుకు గరిష్టంగా 100 మార్కులు ఉంటుంది. ఉత్తీర్ణతకు ప్రతి సబ్జెక్టులో విద్యార్థి కనీసం 35% పొందాలి. అదనంగా, పరీక్షలో ఉత్తీర్ణత సాధించడానికి మొత్తం 35% స్కోర్ అవసరం. పరీక్ష మొత్తం వ్యవధి మూడు గంటలు. పరీక్షా విధానం మరియు మార్కింగ్ స్కీమ్ గురించి ముఖ్యాంశాలను తెలుసుకోవడానికి దిగువ పట్టికను చూడండి:

తెలంగాణ ఇంటర్మీడియట్ రెండవ సంవత్సరం మార్కింగ్ స్కీం 2023 – వివరాలు

సెకెండ్ ఇంటర్ పరీక్ష విశ్లేషణ గురించి విద్యార్థులు ఆలోచించడానికి తెలంగాణ బోర్డ్ పరీక్షల సరళి సహాయపడుతుంది. TS బోర్డు మార్కింగ్ స్కీమ్ ద్వారా, విద్యార్థులు 2023 లో వారి ఇంటర్మీడియట్ సెకండ్ ఇయర్ పరీక్షలలో ఉత్తమమైన మార్కులను పొందడానికి ప్రిపేర్ కావచ్చు.

ఇంటర్ సెకండ్ ఇయర్ తెలంగాణ బోర్డు ప్రిపరేషన్ వ్యూహం

విద్యార్ధి భవిష్యత్ జీవితంలో ఇంటర్మీడియట్ విద్య ముఖ్యమైన పాత్ర పోషిస్తుంది. అన్ని సబ్జెక్టుల్లో ఎక్కువ మార్కులు రావడానికి ఎలా చదవాలి? ఎటువంటి జాగ్రత్తలు తీసుకోవాలి? ఎలా ప్రిపేర్ అవ్వాలి? ఇలాంటి ప్రశ్నలకు EMBIBE ద్వారా మీకు సమాధానాలను ఇవ్వబోతున్నాను. వీటిని జాగ్రత్తగా పాటిస్తే పరీక్షల్లో ఎక్కువ మార్కులు సంపాదించుకునే అవకాశం ఉంటుంది. 

భౌతిక శాస్త్రం

విద్యార్థులు భౌతిక శాస్త్రాన్ని చదివిన తర్వాత దాన్ని పునశ్చరణ చేసుకోడానికి కూడా సమయాన్ని కేటాయించాలి. మునుపటి సంవత్సరం క్వశ్చన్ పేపర్ లను చదవడం ద్వారా ఎక్కువ మార్కులు తెచ్చుకొనే అవకాశం ఉంటుంది. 

దీర్ఘ సమాధాన ప్రశ్నలు సాధారణంగా తరంగాలు,  ప్రవాహ విద్యుత్,  కేంద్రాల నుండి వస్తాయి. కిరణ దృశ శాస్త్రం, తరంగ దృశ శాస్త్రం, విద్యుత్ ఆవేశాలు, క్షేత్రాలు, కెపాసిటర్లు, చలించే ఆవేశాలు అయస్కాంతత్వం, పరమాణువులు, అర్ధవాహకాలు, ఎలెక్ట్రానిక్ నుండి స్వల్ప సమాధాన ప్రశ్నలు వస్తాయి. ఇవి తరువాత పోటీ పరీక్షలకు కూడా ఉపయోగపడతాయి. ప్రతి పాఠం వెనుకనున్న లఘు ప్రశ్నలను కూడా చదువుతూ ఉండాలి. 

రసాయన శాస్త్రం

ఎనిమిది మార్కుల ప్రశ్నలు కర్బన రసాయన శాస్త్రం అకర్బన రసాయన శాస్త్రం భౌతిక రసాయన శాస్త్రం నుండి వస్తాయి. కర్బన రసాయన శాస్త్రంలోని ఎనిమిది మార్కుల ప్రశ్నలు 2+2+2+2, 2+2+4, 4+4 గా అడగవచ్చు. అకర్బన రసాయన శాస్త్రం నుండి రసాయన ధర్మాలు, పేరుతో ఉన్న చర్యలు తయారీ విధానాలు గురించి ఎక్కువగా చదవాలి. భౌతిక రసాయన శాస్త్రంలో ఉన్న విద్యుత్ రసాయన శాస్త్రం, రసాయన శాస్త్రాల పై కూడా మనం దృష్టి పెట్టాలి. వీటి నుండి రెండు 4 మార్కుల ప్రశ్నలను జోడించి ఎనిమిది మార్కుల ప్రశ్నలుగా వస్తుంది. సాధారణంగా పాలిమర్లు, ఘనస్థితి, ద్రావణాలు, ఉపరితల రసాయన శాస్త్రం, లోహ నిష్కర్షణలో సాధారణ సూత్రాలు నుండి 4 మార్కుల ప్రశ్నలు వస్తాయి. 

వృక్ష శాస్త్రం

బోటనీలో బొమ్మలకు ఎక్కువ ప్రాధాన్యం ఉంటుంది. వృక్ష శాస్త్రంలోని చాప్టర్ లను వెయిటేజీ అనుగుణంగా చదవాలి. వాటిలో మీకు డయాగ్రామ్స్ వేయడం వస్తే అన్ని వచ్చినట్టే. అందుకే వాటిని తరచూ ప్రాక్టీస్ చేస్తూ వాటికి లేబులింగ్ చేస్తూ ఉండాలి. అప్పుడు మీకు పరీక్షలలో మర్చిపోయే అవకాశం ఉండదు. 

ఫిజియాలజీ లో కిరణజన్య సంయోగ క్రియ శ్వాసక్రియ, బయోటెక్నాలజీ, హ్యూమన్ వెల్ఫేర్ వంటి వాటిని బాగా చదవాలి. జవాబులు రాసేటప్పుడు వాటికి సంబంధించిన ఫ్లో చార్ట్ వేయడం ద్వారా ఎక్కువ మార్కులు సంపాదించవచ్చు. చిన్న, అతి చిన్న ప్రశ్నలను కూడా బాగా చదవాలి. అవి మీ స్కోర్ ను మరింత పెంచుతాయి. 

జంతు శాస్త్రం

దీనిలో ముఖ్యంగా దీర్ఘ సమాధాన ప్రశ్నలకు ప్రాధాన్యం ఇవ్వాలి. దీనిలో శరీర ద్రవాలు, ప్రసరణ, జీర్ణక్రియ, శోషణం, శ్వాసించడం, వాయువుల వినిమయం, విసర్జక పదార్థాలు, కండర- అస్థి పంజర వ్యవస్థ, నాఢీ నియంత్రణ, సమన్వయం, అంత: స్రావక వ్యవస్థ, రోగ నిరోధక వ్యవస్థ, మానవ ప్రత్యుత్పత్తి వ్యవస్థ, ప్రత్యుత్పత్తి సంబంధ ఆరోగ్యం, లింగ నిర్ధారణ మొదలైన వాటి నుండి ప్రశ్నలు వస్తాయి..

ఇంగ్లీష్ 

తెలుగు మీడియం విద్యార్థులకు ఆంగ్లం అంటే భయం ఉంటుంది. ఇంగ్లీష్ మీడియం విద్యార్థులు ఇంగ్లిష్ మీద పట్టు ఉన్నట్టుగా అనుకుంటారు. అయితే రెండూ సరైనవి కాదు. పట్టుదల కలిగి ఏకాగ్రతతో చదివితే ఎక్కువ మార్పులను సొంతం చేసుకోవడం చాలా సులభం. అయితే దానికి ముందుగా ఒక ప్రణాళికను సిద్ధం చేసుకోవాలి. మనం సమాధానాలు రాసేటప్పుడు డిస్క్రిప్షన్ ఆఫ్ ప్రాసెస్ కు టైటిల్ ఉండాలి, అలాగే సివి రెస్యూమేలను సరైన ఫార్మెట్లో రాయాలి. పాసేజ్ సరైన రీతిలో అర్థం చేసుకొని ఇచ్చిన ప్రశ్నలకు సమాధానాలు ఇవ్వడానికి ప్రయత్నించండి. ఎక్కువగా గత ఏడాది ప్రశ్నాపత్రాలను చదవడం ద్వారా అధిక మార్కులను సంపాదించుకోవచ్చు. 

సంస్కృతం

ఇంటర్ రెండో సంవత్సరం విద్యార్థులు ప్రతి పదార్థ తాత్పర్యాలు, వ్యాసరూప ప్రశ్నలు, వ్యాకరణం వంటి వాటిని ఎక్కువగా అభ్యాసం చేస్తూ ఉండాలి. అలా చేయడం ద్వారా పరీక్షలో త్వరగా మర్చిపోరు. ముఖ్యంగా చిన్న మరియు  అతి చిన్న ప్రశ్నలు, సందర్భాలు వంటి వాటిని నేర్చుకుంటూ ఉండాలి. అతి చిన్న ప్రశ్నలకు సమాధానాలను వాక్య రూపంలో రాయాల్సి ఉంటుంది. పరీక్షా పత్రంలో ఎటువంటి కొట్టివేతలు ఉండకూడదు. ప్రశ్న సంఖ్యలు లేదా రోమన్ నెంబర్లు క్రమంగా ఉండేలా చూసుకోవాలి. ఇటువంటి చిన్న చిన్న విషయాలను పాటించడం ద్వారా మనం పరీక్షల్లో ఎక్కువ మార్కులు సంపాదించుకునే అవకాశం ఉంటుంది.

తెలంగాణ ఇంటర్మీడియట్ గ్రేడింగ్ సిస్టమ్

ఇంటర్మీడియట్ పరీక్షల ఫలితాలను ప్రకటించడానికి TSBIE గ్రేడింగ్ వ్యవస్థను ఉపయోగిస్తుంది. దీనిలో A1 నుంచి D1 వరకు 7 విభిన్న గ్రేడ్ ఉంటాయి అలాగే విద్యార్థులు సాధించిన మార్కుల ఆధారంగా అవి కేటాయించబడతాయి. గ్రేడింగ్ సిస్టమ్ మరియు విభిన్న మార్కులకు ఇవ్వబడే గ్రేడ్ గురించి తెలుసుకోవడం కోసం దిగువ పట్టికను చూడండి.

సెకెండ్ ఇంటర్ పరీక్ష విశ్లేషణ పై తరచుగా అడిగే ప్రశ్నలు

ప్రశ్న: ఇంటర్ 2వ సంవత్సరం భాషాపరమైన సబ్జెక్టుల్లో గరిష్టంగా ఎన్ని మార్కులు ఉంటాయి.

జవాబు: తెలుగు, హిందీ, సంస్కృతం, ఇంగ్లీష్ వంటి భాషాపరమైన సబ్జెక్టుల్లో గరిష్టంగా 100 మార్కులు ఉంటాయి. 

ప్రశ్న: వార్షిక పరీక్షల్లో సమయ వ్యవధి ఎంత ఉంటుంది?

జవాబు: ఇంటర్ 2వ సంవత్సర పరీక్షల్లో ప్రతి పరీక్షకు 3 గంటల చొప్పున సమయ వ్యవధి ఉంటుంది.

ప్రశ్న: భాషా పరమైన సబ్జెక్టులు కాకుండా మిగతా సబ్జెక్టుల్లో గరిష్టంగా ఎన్ని మార్కులు ఉంటాయి?

జవాబు: మిగతా సబ్జెక్టుల్లో గరిష్టంగా 75, 60 మరియు 50 మార్కుల చొప్పున ఉంటాయి.

సెకెండ్ ఇంటర్ పరీక్ష విశ్లేషణ 2023కు సంబంధించిన ఈ వివరణాత్మక కథనం మీకు సహాయపడుతుందని మేము ఆశిస్తున్నాము! మీకు ఏవైనా సందేహాలు ఉంటే, మీ ప్రశ్నలను దిగువన రాయండి మరియు మేము వీలైనంత త్వరగా మిమ్మల్ని సంప్రదిస్తాము.

తెలంగాణ ఇంటర్ రెండవ సంవత్సరం పరీక్షల విశ్లేషణ గురించి తాజా వార్తలు మరియు వివిధ అప్‌డేట్‌ల కోసం Embibeతో కనెక్ట్ అవ్వండి.